ਚੰਡੀਗੜ੍ਹ, 25 ਸਤੰਬਰ 2024: ਪੰਜਾਬ ਇੰਜੀਨੀਅਰਿੰਗ ਕਾਲਜ (ਡੀਮਡ ਟੂ ਬੀ ਯੂਨੀਵਰਸਿਟੀ), ਚੰਡੀਗੜ੍ਹ ਨੇ ਅੱਜ ਪੰਜਾਬ ਸਟੇਟ ਪਾਵਰ ਕਾਰਪੋਰੇਸ਼ਨ ਲਿਮਟਿਡ (ਪੀਐਸਪੀਸੀਐਲ) ਨਾਲ ਤਕਨਿਕੀ ਸਹਿਯੋਗ ਅਤੇ ਖੋਜ ਸਹਿਯੋਗ ਨੂੰ ਪ੍ਰਫੁੱਲਤ ਕਰਨ ਲਈ MoU 'ਤੇ ਦਸਤਖਤ ਕੀਤੇ। ਪੀਐਸਪੀਸੀਐਲ ਦੇ ਨਮਾਇੰਦਗੀ ਦਲ ਦੀ ਅਗਵਾਈ ਇੰਜੀਨਿਅਰ ਰਵਿੰਦਰ ਸਿੰਘ ਸੈਣੀ (ਡਾਇਰੈਕਟਰ, HR), ਇੰ. ਪਰਮਜੀਤ ਸਿੰਘ (ਡਾਇਰੈਕਟਰ - ਜਨਰੇਸ਼ਨ), ਇੰ. ਅਭਿਰਾਜ ਸਿੰਘ ਰੰਧਾਵਾ (ਪ੍ਰਿੰਸੀਪਲ, ਟੈਕਨੀਕਲ ਟ੍ਰੇਨਿੰਗ ਇੰਸਟੀਚਿਊਟ), ਅਤੇ ਇੰ. ਅਨੁਪਮ ਜੋਸ਼ੀ (ਡਾਇਰੈਕਟਰ, The/Nudge Institute) ਨੇ ਕੀਤੀ। ਉਨ੍ਹਾਂ ਦਾ ਗਰਮਜੋਸ਼ੀ ਨਾਲ ਸਵਾਗਤ ਡਾਇਰੈਕਟਰ ਪੀਈਸੀ ਪ੍ਰੋ. ਰਾਜੇਸ਼ ਕੁਮਾਰ ਭਾਟੀਆ ਨੇ ਕੀਤਾ। ਉਨ੍ਹਾਂ ਨਾਲ ਪ੍ਰੋ. ਰਾਜੇਸ਼ ਕਾਂਡਾ (ਹੈੱਡ, ਐਲੁਮਨੀ, ਕਾਰਪੋਰੇਟ ਅਤੇ ਇੰਟਰਨੈਸ਼ਨਲ ਰਿਲੇਸ਼ਨਜ਼), ਪ੍ਰੋ. ਜੇ. ਡੀ. ਸ਼ਰਮਾ (ਹੈੱਡ, ਐਮਐਮਈਡੀ), ਪ੍ਰੋ. ਉਮਾ ਬਤਰਾ (ਡੀਨ, ਫੈਕਲਟੀ ਅਫੇਅਰਜ਼), ਪ੍ਰੋ. ਜਿੰਮੀ ਕਰਲੂਪੀਆ (ਪ੍ਰੋਫੈਸਰ-ਇਨ-ਚਾਰਜ, ਐਸੀਆਈਆਰ), ਅਤੇ ਮਿਸ. ਰਜਿੰਦਰ ਕੌਰ (ਮੈਨੇਜਰ, ਐਸੀਆਈਆਰ) ਵੀ ਮੌਜੂਦ ਸਨ।
ਆਪਣੇ ਸੰਬੋਧਨ ਵਿੱਚ, ਇੰ. ਰਵਿੰਦਰ ਸਿੰਘ ਸੈਣੀ ਨੇ ਦੋਵੇਂ ਸੰਸਥਾਵਾਂ ਲਈ ਤਕਨੀਕੀ ਸਹਿਯੋਗ ਪ੍ਰਦਾਨ ਕਰਨ ਅਤੇ ਖੋਜ ਵਿਚਲੇ ਸਹਿਯੋਗ ਕਰਨ ਲਈ ਪੀਐਸਪੀਸੀਐਲ ਦੀ ਵਚਨਬੱਧਤਾ 'ਤੇ ਜ਼ੋਰ ਦਿੱਤਾ। ਪ੍ਰੋ. ਰਾਜੇਸ਼ ਕੁਮਾਰ ਭਾਟੀਆ ਨੇ ਇਸ ਸਹਿਯੋਗ ਲਈ ਆਪਣੀ ਖੁਸ਼ੀ ਜਾਹਰ ਕੀਤੀ ਅਤੇ ਕਿਹਾ ਕਿ ਇਹ ਲੰਮੇ ਸਮੇਂ ਦੇ ਸਾਥ ਨਵੀਨਤਾ ਅਤੇ ਤਕਨੀਕੀ ਸ਼੍ਰੇਸ਼ਠਤਾ ਵੱਲ ਲੰਘਣ ਵਿੱਚ ਸਹਾਇਕ ਹਨ। ਪ੍ਰੋ. ਰਾਜੇਸ਼ ਕਾਂਡਾ ਨੇ MoU ਦੇ ਦਸਤਖਤ ਦੀ ਕਾਰਵਾਈ ਸ਼ੁਰੂ ਕੀਤੀ, ਅਤੇ ਪ੍ਰੋ. ਜੇ. ਡੀ. ਸ਼ਰਮਾ ਨੇ ਇਸ ਸਮਝੌਤੇ ਦੀਆਂ ਸ਼ਰਤਾਂ ਦਾ ਵੇਰਵਾ ਦਿੱਤਾ, ਜਿਸ ਨਾਲ ਦੋਵੇਂ ਪੱਖਾਂ ਨੂੰ ਲਾਭ ਹੋਣਗੇ।
ਦਸਤਖਤ ਸਮਾਗਮ ਤੋਂ ਬਾਅਦ, ਪੀਐਸਪੀਸੀਐਲ ਦੇ ਨਮਾਇੰਦਿਆਂ ਨੇ ਪੀਈਸੀ ਦੇ ਫੈਕਲਟੀ ਮੈਂਬਰਾਂ ਦੇ ਨਾਲ ਮਿਲਕੇ ਇਲੈਕਟ੍ਰਿਕਲ ਇੰਜੀਨੀਅਰਿੰਗ ਅਤੇ ਮੈਟਰੀਅਲਜ਼ ਅਤੇ ਮੈਟਾਲਰਜੀਕਲ ਇੰਜੀਨੀਅਰਿੰਗ ਦੇ ਵਿਭਾਗਾਂ ਦੇ ਨਾਲ-ਨਾਲ ਸਿਮੇਨਸ ਸੈਂਟਰ ਦਾ ਦੌਰਾ ਕੀਤਾ। ਦੌਰੇ ਦੌਰਾਨ, ਖੋਜ ਅਤੇ ਵਿਕਾਸ ਦੇ ਸੰਭਾਵਿਤ ਖੇਤਰਾਂ ਬਾਰੇ ਚਰਚਾ ਕੀਤੀ ਗਈ, ਜਿਸ ਵਿੱਚ ਪੀਈਸੀ ਦੇ ਵੱਖ-ਵੱਖ ਵਿਭਾਗਾਂ ਦੇ ਅਧਿਆਪਕਾਂ ਨੇ ਸਰਗਰਮ ਭਾਗ ਲਿਆ।
ਇਹ MoU ਪੀਈਸੀ ਅਤੇ ਪੀਐਸਪੀਸੀਐਲ ਵਿਚਕਾਰ ਸਬੰਧਾਂ ਨੂੰ ਮਜ਼ਬੂਤ ਕਰੇਗਾ, ਜਿਸ ਨਾਲ ਪ੍ਰਭਾਵਸ਼ਾਲੀ ਤਕਨਿਕੀ ਸਹਿਯੋਗ, ਖੋਜ ਸਹਿਯੋਗ ਵਾਲੇ ਉਪਰਾਲੇ ਪ੍ਰਫੁੱਲਤ ਹੋਣਗੇ, ਜੋ ਕਿ ਵਿਦਿਅਕ ਖੇਤਰ ਅਤੇ ਬਿਜਲੀ ਖੇਤਰ ਦੋਵੇਂ ਲਈ ਵਧੀਆ ਸਾਬਿਤ ਹੋਣਗੇ।