ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ, 11 ਅਪ੍ਰੈਲ: ਪੰਜਾਬ ਨੈਸ਼ਨਲ ਬੈਂਕ ਸਰਕਲ ਦਫ਼ਤਰ ਮੋਹਾਲ ਅੱਜ ਆਪਣਾ 131ਵਾਂ ਸਥਾਪਨਾ ਦਿਵਸ ਮਨਾਇਆ ਗਿਆ। ਪੀ ਐਨ ਬੀ ਦੀ ਸਥਾਪਨਾ 1894 ਵਿੱਚ ਲਾਹੌਰ ਵਿੱਚ ਹੋਈ ਸੀ। ਇਹ ਭਾਰਤ ਦਾ ਦੂਜਾ ਸਭ ਤੋਂ ਵੱਡਾ ਜਨਤਕ ਖੇਤਰ ਦਾ ਬੈਂਕ ਹੈ, ਜਿਸ ਦੀਆਂ ਦੇਸ਼ ਭਰ ਵਿੱਚ 10,000 ਤੋਂ ਵੱਧ ਸ਼ਾਖਾਵਾਂ ਹਨ। ਬੈਂਕ ਆਪਣੇ ਗਾਹਕਾਂ ਨੂੰ ਵਿੱਤੀ ਉਤਪਾਦਾਂ ਅਤੇ ਸੇਵਾਵਾਂ ਦੀ ਇੱਕ ਵਿਸ਼ਾਲ ਸ਼੍ਰੇਣੀ ਦੀ ਪੇਸ਼ਕਸ਼ ਕਰਦਾ ਹੈ, ਜਿਸ ਵਿੱਚ ਬਚਤ ਖਾਤੇ, ਕਰਜ਼ੇ, ਬੀਮਾ ਅਤੇ ਨਿਵੇਸ਼ ਸ਼ਾਮਲ ਹਨ।
    ਸਥਾਪਨਾ ਦਿਵਸ ਦੇ ਮੌਕੇ 'ਤੇ, ਪੀਐਨਬੀ ਮੋਹਾਲੀ ਦੇ ਡਿਵੀਜ਼ਨਲ ਹੈੱਡ ਸ਼੍ਰੀ ਪੰਕਜ ਆਨੰਦ ਨੇ ਕਿਹਾ, "ਅਸੀਂ ਆਪਣੇ 131ਵੇਂ ਸਥਾਪਨਾ ਦਿਵਸ ਦਾ ਜਸ਼ਨ ਮਨਾਉਂਦੇ ਹੋਏ ਬਹੁਤ ਖੁਸ਼ ਹਾਂ। ਇਸ ਲੜੀ ਵਿੱਚ ਕਲ੍ਹ ਡਿਵੀਜ਼ਨਲ ਦਫਤਰ ਵਿੱਚ ਇੱਕ ਮੈਡੀਕਲ ਕੈਂਪ ਲਗਾਇਆ ਗਿਆ ਜਿਸ ਵਿੱਚ ਲਗਭਗ 100 ਵਿਅਕਤੀਆਂ ਨੇ ਆਪਣੀ ਸਿਹਤ ਦੀ ਜਾਂਚ ਕਰਵਾਈ। ਰੁੱਖ ਲਗਾਉਣ ਦੀ ਮੁਹਿੰਮ ਵਿੱਚ, ਡਿਵੀਜ਼ਨਲ ਹੈੱਡ ਸ਼੍ਰੀ ਪੰਕਜ ਆਨੰਦ ਦੁਆਰਾ ਪੌਦੇ ਵੀ ਲਗਾਏ ਗਏ। ਅੱਜ ਫੇਜ਼-2 ਸੈਕਟਰ-54 ਮੋਹਾਲੀ ਵਿੱਚ ਸਥਿਤ ਡਿਵੀਜ਼ਨਲ ਦੇ ਦਫਤਰ ਦੇ ਅਹਾਤੇ ਵਿੱਚ ਲੰਗਰ ਸੇਵਾ ਦਾ ਆਯੋਜਨ ਕੀਤਾ ਗਿਆ, ਜਿਸਦੀ ਅਗਵਾਈ ਡਿਵੀਜ਼ਨਲ ਹੈੱਡ ਸ਼੍ਰੀ ਪੰਕਜ ਆਨੰਦ ਨੇ ਕੀਤੀ। 
ਉਪਰੰਤ ਇੱਕ ਵਿਆਪਕ ਸਾਈਬਰ ਜਾਗਰੂਕਤਾ ਮੁਹਿੰਮ ਚਲਾਈ ਗਈ ਅਤੇ ਇੱਕ ਵਾਕਾਥਨ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਐਲਡੀਐਮ ਸ਼੍ਰੀ ਐਮ.ਕੇ. ਭਾਰਦਵਾਜ, ਐਮ ਸੀ ਸੀ ਹੈੱਡ ਸ਼੍ਰੀ ਸੰਜੇ ਵਰਮਾ, ਆਰ ਈ ਐਮ ਹੈੱਡ ਸ਼੍ਰੀ ਸੋਹਨ ਲਾਲ, ਮੁੱਖ ਪ੍ਰਬੰਧਕ ਸ਼੍ਰੀ ਰਵੀ ਕੁਮਾਰ, ਮੁੱਖ ਪ੍ਰਬੰਧਕ ਸ਼੍ਰੀ ਗੁਲਸ਼ਨ ਕੁਮਾਰ, ਵੱਖ-ਵੱਖ ਸਥਾਨਕ ਸ਼ਾਖਾਵਾਂ ਦੇ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਸਮੇਤ ਡਿਵੀਜ਼ਨਲ ਦਫਤਰ ਦੇ ਸਟਾਫ ਨੇ ਵੱਡੀ ਗਿਣਤੀ ਵਿੱਚ ਹਿੱਸਾ ਲਿਆ।