ਹੁਸ਼ਿਆਰਪੁਰ:- ਵਿਦਿਆ ਮੰਦਰ ਸੀਨੀਅਰ ਸੈਕੰਡਰੀ ਮਾਡਲ ਸਕੂਲ ਵੱਲੋਂ ਪਿੰਡ ਪਟਿਆੜੀਆਂ ਦੇ ਜੰਗਲਾਤ ਖੇਤਰ ਵਿਚ 5000 ਬੂਟੇ ਲਗਾਉਣ ਦੇ ਸਬੰਧ ਵਿੱਚ ਇੱਕ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ ਜਿਸ ਵਿੱਚ ਵਿਧਾਇਕ ਬ੍ਰਹਮਸ਼ੰਕਰ ਜਿੰਪਾ ਮੁੱਖ ਮਹਿਮਾਨ ਵਜੋਂ ਸ਼ਾਮਲ ਹੋਏ। ਇਹ ਵਿਰਖਾਰੋਪਣ ਵਿਦਿਆ ਮੰਦਰ ਸੰਸਥਾਨ ਰਜਿਸਟਰਡ ਹੁਸ਼ਿਆਰਪੁਰ ਅਤੇ ਬਾਬਾ ਬਾਲਕ ਨਾਥ ਟਰੱਸਟ ਰਜਿਸਟਰਡ ਹੁਸ਼ਿਆਰਪੁਰ ਵੱਲੋਂ ਬਿਓਂਡ ਦ ਆਈ ਸੰਸਥਾ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ।
ਇਸ ਮੌਕੇ 'ਤੇ ਸ਼੍ਰੀ ਅਮਨੀਤ ਸਿੰਘ ਡੀਐੱਫਓ ਹੁਸ਼ਿਆਰਪੁਰ, ਕਮਾਂਡੈਂਟ ਵੀਰੇਂਦਰ ਕੁਮਾਰ ਬੀਐੱਸਐੱਫ ਖੜਕਾ ਹੁਸ਼ਿਆਰਪੁਰ ਅਤੇ ਤਰਨਜੀਤ ਸਿੰਘ ਚਾਰਟਡ ਅਕਾਊਂਟੈਂਟ ਵਿਸ਼ੇਸ਼ ਮਹਿਮਾਨਾਂ ਵਜੋਂ ਹਾਜ਼ਰ ਹੋਏ।
ਬਿਓਂਡ ਦ ਆਈ ਸੰਸਥਾ ਵੱਲੋਂ ਬੂਟਿਆਂ ਦੀ ਸੰਭਾਲ ਅਤੇ ਸੰਵਰਧਨ ਲਈ ਮਨਵੀਨ ਸਿੰਘ, ਸੀ ਏ ਤਰਨਜੀਤ ਸਿੰਘ, ਨੈਂਸੀ ਸਿੰਘ ਅਤੇ ਪਰਿਵਾਰਕ ਮੈਂਬਰਾਂ ਵੱਲੋਂ ਬਾਬਾ ਬਾਲਕ ਨਾਥ ਟਰੱਸਟ ਦੇ ਪ੍ਰਧਾਨ ਡਾ. ਹਰਸ਼ਵਿੰਦਰ ਸਿੰਘ ਪਠਾਨੀਆ ਨੂੰ ₹51,000 ਦੀ ਰਕਮ ਦਾਨ ਵਜੋਂ ਭੇਟ ਕੀਤੀ ਗਈ।
ਹਾਜ਼ਰੀਨ ਨੂੰ ਸੰਬੋਧਨ ਕਰਦੇ ਹੋਏ ਵਿਧਾਇਕ ਬ੍ਰਹਮਸ਼ੰਕਰ ਜਿੰਪਾ ਨੇ ਕਿਹਾ ਕਿ ਪਰਿਵੇਸ਼ ਦੀ ਰੱਖਿਆ ਕਰਨਾ ਸਾਡਾ ਸਭ ਦਾ ਫਰਜ਼ ਹੈ ਅਤੇ ਉਕਤ ਸੰਸਥਾਵਾਂ ਵੱਲੋਂ ਇੰਨੇ ਵੱਡੇ ਪੱਧਰ 'ਤੇ ਵਿਰਖਾਰੋਪਣ ਕਰਕੇ ਕਾਬਿਲ-ਏ-ਤਾਰੀਫ ਕੰਮ ਕੀਤਾ ਗਿਆ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਬੂਟੇ ਸੰਭਾਲਣ ਵਿੱਚ ਅਤੇ ਜੰਗਲਾਂ ਨੂੰ ਅੱਗ ਤੋਂ ਬਚਾਉਣ ਵਿੱਚ ਵਨ ਵਿਭਾਗ ਵੱਲੋਂ ਪੂਰਾ ਸਹਿਯੋਗ ਦਿੱਤਾ ਜਾਵੇਗਾ।
ਡੀ ਐੱਫ ਓ ਅਮਨੀਤ ਸਿੰਘ ਨੇ ਇਸ ਮੌਕੇ ਕਿਹਾ ਕਿ ਸਰਕਾਰ ਹਰ ਸਾਲ ਜੰਗਲਾਂ ਵਿੱਚ ਵਿਰਖਾਰੋਪਣ ਕਰਦੀ ਹੈ ਅਤੇ ਪਟਿਆੜੀਆਂ ਤੇ ਖੜਕਾ ਦੇ ਜੰਗਲਾਤ ਖੇਤਰ ਵਿੱਚ ਇੱਕ ਵਿਸ਼ੇਸ਼ ਮੁਹਿੰਮ ਚਲਾਈ ਜਾਵੇਗੀ। ਉਨ੍ਹਾਂ ਉਕਤ ਸੰਸਥਾਵਾਂ ਵੱਲੋਂ ਇਸ ਖੇਤਰ ਨੂੰ ਸੰਰਕਸ਼ਿਤ ਅਤੇ ਸੰਵਰਧਿਤ ਕਰਨ ਲਈ ਅਪਣਾਉਣ ਉਤੇ ਧੰਨਵਾਦ ਕੀਤਾ। ਉਨ੍ਹਾਂ ਕਿਹਾ ਕਿ ਜਦੋਂ ਸਮਾਜ ਅਤੇ ਵਨ ਵਿਭਾਗ ਇਕੱਠੇ ਕੰਮ ਕਰਨਗੇ ਤਾਂ ਜੰਗਲਾਤ ਖੇਤਰ ਨਿਸ਼ਚਤ ਤੌਰ 'ਤੇ ਵਧੇਗਾ ਅਤੇ ਪਰਿਵੇਸ਼ ਦੀ ਰੱਖਿਆ ਹੋਵੇਗੀ।
ਕਮਾਂਡੈਂਟ ਵੀਰੇਂਦਰ ਕੁਮਾਰ ਨੇ ਕਿਹਾ ਕਿ ਬੀ ਐੱਸ ਐੱਫ ਵੀ ਖੜਕਾ ਵਿੱਚ ਜੰਗਲਾਤ ਖੇਤਰ ਦੇ ਸੰਵਰਧਨ ਅਤੇ ਸੰਰਕਸ਼ਣ ਉੱਤੇ ਖਾਸ ਧਿਆਨ ਦੇ ਰਹੀ ਹੈ ਅਤੇ ਇਸ ਸੰਬੰਧੀ ਉਕਤ ਸਮਾਜਿਕ ਸੰਸਥਾਵਾਂ ਨਾਲ ਪੂਰਾ ਸਹਿਯੋਗ ਕੀਤਾ ਜਾਵੇਗਾ।
ਵਿਦਿਆ ਮੰਦਰ ਸੰਸਥਾਨ ਦੇ ਪ੍ਰਧਾਨ ਅਨੁਰਾਗ ਸੂਦ ਨੇ ਕਿਹਾ ਕਿ ਪਰਿਵੇਸ਼ ਨੂੰ ਬਚਾ ਕੇ ਹੀ ਮਨੁੱਖਤਾ ਨੂੰ ਬਚਾਇਆ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਪਟਿਆੜੀਆਂ ਵਿੱਚ ਜੋ ਵਿਰਖਾਰੋਪਣ ਕੀਤਾ ਗਿਆ ਹੈ, ਹੁਣ ਉਸ ਦੀ ਸੰਭਾਲ ਅਤੇ ਸੰਰਕਸ਼ਣ 'ਤੇ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇਗਾ ਅਤੇ ਭੇਡ-ਬਕਰੀਆਂ ਅਤੇ ਆਵਾਰਾ ਪਸ਼ੂਆਂ ਤੋਂ ਵੀ ਉਨ੍ਹਾਂ ਦੀ ਰੱਖਿਆ ਕੀਤੀ ਜਾਵੇਗੀ।
ਗੁਰੂ ਨਾਨਕ ਇੰਟਰਨੈਸ਼ਨਲ ਐਜੂਕੇਸ਼ਨ ਟਰੱਸਟ ਵੱਲੋਂ ਪ੍ਰੋ. ਬਹਾਦੁਰ ਸਿੰਘ ਸੁਨੇਤ ਨੇ ਵੀ ਇਹ ਯਕੀਨੀ ਬਣਾਇਆ ਕਿ ਉਹ ਵੀ ਇਸ ਯਤਨ ਵਿੱਚ ਆਪਣਾ ਯੋਗਦਾਨ ਦੇਣਗੇ।
ਬਿਓਂਡ ਦ ਆਈ ਸੰਸਥਾ ਦੇ ਪ੍ਰਧਾਨ ਮਨਵੀਨ ਸਿੰਘ ਨੇ ਹਾਜ਼ਰੀਨ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ ਕਿ ਇਹ ਉਨ੍ਹਾਂ ਲਈ ਮਾਣ ਦੀ ਗੱਲ ਹੈ ਕਿ ਸਮਾਜਿਕ ਸੰਸਥਾਵਾਂ ਇਕੱਠਿਆਂ ਹੋ ਕੇ ਪਰਿਵੇਸ਼ ਬਚਾਉਣ ਲਈ ਕੰਮ ਕਰ ਰਹੀਆਂ ਹਨ।
ਮੇਅਰ ਸੁਰਿੰਦਰ ਸ਼ਿੰਦਾ ਅਤੇ ਸੀਨੀਅਰ ਡਿਪਟੀ ਮੇਅਰ ਪਰਵੀਨ ਸੈਣੀ ਨੇ ਵੀ ਹਾਜ਼ਰੀਨ ਨੂੰ ਸੰਬੋਧਨ ਕੀਤਾ। ਮਹਿਮਾਨਾਂ ਵੱਲੋਂ ਵਿਦਿਆ ਮੰਦਰ ਸਕੂਲ ਦੇ ਪ੍ਰਾਂਗਣ ਵਿੱਚ ਵੀ ਵਿਰਖਾਰੋਪਣ ਕੀਤਾ ਗਿਆ।
ਇਸ ਮੌਕੇ ਉਤੇ ਆਤਮਸੁਖ ਆਤਮਦੇਵ ਆਸ਼ਰਮ ਦੇ ਪ੍ਰਧਾਨ ਨਵਦੀਪ ਸੂਦ, ਕਿਡਜ਼ ਪਬਲਿਕ ਸਕੂਲ ਦੀ ਪ੍ਰਿੰਸੀਪਲ ਆਰਤੀ ਸੂਦ ਮਹਿਤਾ, ਮਹਰਿਸ਼ੀ ਭ੍ਰਿਗੂ ਵੇਦ ਵਿਦਿਆਲੈ ਤੋਂ ਪੰਕਜ ਸੂਦ, ਧਾਰਮਿਕ ਵਿਭੂਤੀ ਰਾਮ ਮੂਰਤੀ ਜੀ, ਫਿਊਚਰ ਰੈਡੀ ਦੀ ਡਾਇਰੈਕਟਰ ਨਜ਼ਮ ਰਿਆੜ , ਸਮਾਜ ਸੇਵੀ ਜਤਿੰਦਰ ਸੂਦ, ਪ੍ਰੋ. ਟਰੇਸੀ ਕੋਹਲੀ, ਪ੍ਰਿੰਸੀਪਲ ਰਵੀ ਮਹਿਤਾ, ਪ੍ਰਿੰਸੀਪਲ ਮਲਕੀਤ ਕੁਮਾਰ, ਰਿਟਾਇਰਡ ਕਮਾਂਡੈਂਟ ਚੰਚਲ ਸਿੰਘ, ਡਾ. ਜਮੀਲ ਬਾਲੀ, ਪ੍ਰਿੰਸੀਪਲ ਸ਼ੋਭਾ ਰਾਣੀ ਕੰਵਰ, ਮਨੀਸ਼ਾ ਜੋਸ਼ੀ, ਵਿਜੈ ਕੰਵਰ, ਅਮਨ ਧੀਮਾਨ ਅਤੇ ਹੋਰ ਪਤਵੰਤੇ  ਹਾਜ਼ਰ ਸਨ।