ਪਟਿਆਲਾ : ਮਿਤੀ 19—07—2025 ਨੂੰ ਦੀ ਕਲਾਸ ਫੋਰਥ ਗੌਰਮਿੰਟ ਇੰਪਲਾਈਜ਼ ਯੂਨੀਅਨ ਪੰਜਾਬ (1680) ਦੇ ਜਿਲਾ ਆਗੂਆਂ ਦੀ ਮੀਟਿੰਗ ਯੂਨੀਅਨ ਦਫਤਰ ਵਿਖੇ ਹੋਈ। ਇਸ ਮੀਟਿੰਗ ਦੀ ਪ੍ਰਧਾਨਗੀ ਸ੍ਰੀ ਗੁਰਦਰਸ਼ਨ ਸਿੰਘ ਖੁਰਦ ਨੇ ਕੀਤੀ। ਮੀਟਿੰਗ ਵਿੱਚ ਜਲ ਸਰੋਤ ਵਿਭਾਗ ਪੰਜਾਬ ਵੱਲੋਂ ਚੌਥਾ ਦਰਜਾ ਕਰਮਚਾਰੀਆਂ ਦੀਆਂ ਵੱਡੇ ਪੱਧਰ ਤੇ ਦੂਰ ਦੁਰਾਡੇ ਬਦਲੀਆਂ ਕਰਨ ਦਾ ਨੋਟਿਸ ਜਲ ਸਰੋਤ ਮੰਤਰੀ ਪੰਜਾਬ ਨੂੰ ਉਨ੍ਹਾਂ ਦੇ ਵਿਧਾਨ ਸਭਾ ਹਲਕਾ ਲਹਿਰਾਗਾਗਾ ਵਿਖੇ ਮਿਤੀ 07—08—2025 ਨੂੰ ਰੈਲੀ ਕਰਨ ਅਤੇ ਬਦਲੀਆਂ ਰੱਦ ਕਰਵਾਉਣ, ਮੰਗਾਂ ਦਾ ਨਿਪਟਾਰਾ ਕਰਵਾਉਣ ਲਈ ਹਲਕੇ ਵਿੱਚ ਝੰਡਾ ਮਾਰਚ ਕਰਨ ਦਾ ਯਾਦ ਪੱਤਰ ਮੁੜ ਭਿਜਵਾਉਣ ਦਾ ਫੈਸਲਾ ਕੀਤਾ।
ਮੀਟਿੰਗ ਵਿੱਚ ਦਰਸ਼ਨ ਸਿੰਘ ਲੁਬਾਣਾ, ਬਲਜਿੰਦਰ ਸਿੰਘ, ਜਗਮੋਹਨ ਸਿੰਘ ਨੋਲੱਖਾ, ਨਾਰੰਗ ਸਿੰਘ, ਬਲਬੀਰ ਸਿੰਘ, ਸੂਰਜ ਪਾਲ ਯਾਦਵ, ਸ਼ਿਵ ਚਰਨ, ਹਾਕਮ ਸਿੰਘ, ਗੁਰਮੇਲ ਸਿੰਘ, ਕੁਲਦੀਪ ਸਿੰਘ ਸਕਰਾਲੀ, ਕੁਲਦੀਪ ਸਿੰਘ ਰਾਈਏਵਾਲ, ਬਲਜੀਤ ਵਾਲੀਆ, ਮੇਜਰ ਸਿੰਘ, ਹਰਭਾਨ ਸਿੰਘ, ਸਤਿਨਰਾਇਣ ਗੋਨੀ, ਇੰਦਰਪਾਲ ਵਾਲੀਆ, ਬੀਰ ਸਿੰਘ, ਮੰਗਤ ਰਾਮ ਆਦਿ ਹਾਜਰ ਸਨ।
 ਇਸ ਮੌਕੇ ਤੇ 14 ਮੈਂਬਰੀ ਲਹਿਰਾਗਾਗਾ ਰੈਲੀ ਲਈ ਤਿਆਰੀ ਕਮੇਟੀ ਬਣਾਈ ਗਈ। ਇਹ ਵੀ ਫੈਸਲਾ ਕੀਤਾ ਗਿਆ ਕਿ ਮਿਤੀ 21—07—2025 ਨੂੰ ਸਵੇਰੇ 11 ਵਜੇ ਭਾਖੜਾ ਮੇਨ ਲਾਈਨ ਸਰਕਲ ਵਿਖੇ ਗੇਟ ਰੈਲੀ ਕਰਕੇ ਜੰਗਲਾਤ ਦਫ਼ਤਰ ਤੱਕ ਰੋਸ ਮਾਰਚ ਕੀਤਾ ਜਾਵੇਗਾ। ਇਸ ਲਈ ਪਟਿਆਲਾ ਦੇ ਸਾਰੇ ਆਗੂ ਸਾਥੀਆਂ ਨੂੰ ਬੇਨਤੀ ਹੈ ਕਿ ਆਪਣੇ—ਆਪਣੇ ਸਾਥੀਆ ਨੂੰ ਲੈ ਕੇ ਗੇਟ ਰੈਲੀ ਵਿੱਚ ਸ਼ਾਮਲ ਹੋਣ ਦੀ ਖੇਚਲ ਕਰਨ ਜੀ। ਇਸ ਦਿਨ ਮਰਹੂਮ ਕਾ. ਰਣਬੀਰ ਸਿੰਘ ਢਿੱਲੋਂ ਜੀ ਨੂੰ ਸ਼ਰਧਾਂਜਲੀ ਭੇਂਟ ਕੀਤੀ ਜਾਵੇਗੀ ਜੀ।
ਨੋਟ :— ਮਿਤੀ 23—07—2025 ਨੂੰ ਸਵੇਰੇ 11:30 ਵਜੇ ਨਗਰ ਨਿਗਮ ਦਫਤਰ ਵਿਖੇ ਰੈਲੀ ਹੈ। ਇਸ ਦੀ ਵੱਧ ਚੜ੍ਹਕੇ ਸ਼ਾਮਲ ਹੋਵੋ ਜੀ।