ਸੰਤੋਸ਼ਗੜ੍ਹ 30 ਅਪ੍ਰੈਲ 2024:- ਨਗਰ ਕੌਂਸਲ ਸੰਤੋਸ਼ਗੜ੍ਹ ਵਿਖੇ 29ਵਾਂ ਵਿਸ਼ਾਲ ਭਗਵਤੀ ਜਾਗਰਣ 4 ਮਈ ਦਿਨ ਸ਼ਨੀਵਾਰ ਨੂੰ ਬਾਲ ਸਰਸਵਤੀ ਸਕੂਲ ਸੰਤੋਸ਼ਗੜ੍ਹ ਦੇ ਸਾਹਮਣੇ ਕਰਵਾਇਆ ਜਾ ਰਿਹਾ ਹੈ। ਜਿਸਦੇ ਉਪਲਕਸ਼ ਵਿੱਚ ਅੱਜ ਮੰਗਲਵਾਰ ਦੇਰ ਸ਼ਾਮ ਪੂਜਾ ਅਰਚਨਾ ਤੋਂ ਬਾਦ ਝੰਡੇ ਦੀ ਰਸਮ ਅਦਾ ਕੀਤੀ ਗਈ| ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਯੁਵਕ ਭਲਾਈ ਕੇਂਦਰ ਸੰਤੋਸ਼ਗੜ੍ਹ ਦੇ ਮੁਖੀ ਵਿਨੋਦ ਪੁਰੀ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ 29ਵਾਂ ਵਿਸ਼ਾਲ ਭਗਵਤੀ ਜਾਗਰਣ 4 ਮਈ ਦਿਨ ਸ਼ਨੀਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ।
ਇਸ ਜਾਗਰਣ ਵਿੱਚ ਮਾਂ ਵੈਸ਼ਨੋ ਦੇਵੀ ਤੋਂ ਮਾਤਾ ਦੀ ਜੋਤ ਲਿਆਂਦੀ ਜਾਵੇਗੀ। ਜਾਗਰਣ ਵਿੱਚ ਲਵ ਲਵ ਅਤੇ ਬੰਟੀ ਸ਼ਹਿਜ਼ਾਦਾ ਆਪਣੀ ਸੁਰੀਲੀ ਆਵਾਜ਼ ਨਾਲ ਮਾਂ ਦਾ ਗੁਣਗਾਨ ਕਰਨਗੇ। ਐਤਵਾਰ ਨੂੰ ਭੰਡਾਰਾ ਵੀ ਕਰਵਾਇਆ ਜਾਵੇਗਾ। ਆਪ ਸਭ ਨੂੰ ਬੇਨਤੀ ਹੈ ਕਿ ਇਸ ਜਾਗਰਣ ਵਿੱਚ ਪਹੁੰਚ ਕੇ ਦੇਵੀ ਮਾਤਾ ਦਾ ਆਸ਼ੀਰਵਾਦ ਪ੍ਰਾਪਤ ਕਰੋ ਅਤੇ ਜਾਗਰਣ ਦੀ ਸ਼ੋਭਾ ਵਿੱਚ ਵਾਧਾ ਕਰੋ। ਇਸ ਮੌਕੇ ਭੂਸ਼ਨ ਪਰਲਾਦ, ਮੁਕੇਸ਼ ਪੁਰੀ, ਯੋਗੇਸ਼ ਪੁਰੀ, ਰਾਹੁਲ ਕੌਸ਼ਲ, ਨਿਤੀਸ਼ ਪੁਰੀ, ਪੰਕਜ ਪੁਰੀ, ਸਾਹਿਲ ਸੱਚਰ, ਰਾਹੁਲ ਸ਼ਰਮਾ, ਗਿਰੀਸ਼ ਸੋਨੀ, ਨਰੇਸ਼ ਪੁਰੀ, ਰੋਵਿਨ ਰਾਣਾ, ਰੋਹਿਤ, ਸਾਹਿਲ ਸੈਣੀ, ਨਵਜੋਤ ਸਿੰਘ, ਨਰਿੰਦਰ, ਵੰਸ਼ ਭੂਚਾਲ, ਪੁਸ਼ਕਰ, ਤੇਜਸਵੀ, ਸਮੀਰ, ਰਾਜੇਸ਼ ਕੌਸ਼ਲ, ਨੀਰਜ ਸ਼ਰਮਾ ਆਦਿ ਹਾਜ਼ਰ ਸਨ।