ਹੁਸ਼ਿਆਰਪੁਰ- ਪੰਜਾਬ ਸਰਕਾਰ ਵਲੋਂ ਮੁਲਾਜਮਾਂ ਅਤੇ ਪੈਨਸ਼ਨਰਾਂ ਦੀਆਂ ਮੰਗਾਂ ਪ੍ਰਤੀ ਪੰਜਾਬ ਸਰਕਾਰ ਵਲੋਂ ਅਪਣਾਈ ਟਾਲਮਟੋਲ ਦੀ ਨੀਤੀ ਤੋਂ ਮੁਲਾਜਮ-ਪੈਨਸ਼ਨਰ ਵਰਗ ਵਿੱਚ ਸਰਕਾਰ ਵਿਰੁੱਧ ਘੋਰ ਨਰਾਜ਼ਗੀ ਦੇਖਣ ਨੂੰ ਮਿਲ ਰਹੀ ਹੈ। ਸਰਕਾਰ ਬਣੀ ਨੂੰ ਤਿੰਨ ਸਾਲ ਬੀਤਣ ਦੇ ਬਾਵਜੂਦ ਮੁਲਾਜਮ-ਪੈਨਸ਼ਨਰ ਵਰਗ ਦੇ ਪੱਲੇ ਸਰਕਾਰ ਨੇ ਸਿਵਾਏ ਲਾਰੇ-ਲੱਪਿਆਂ ਦੇ ਕੁੱਝ ਵੀ ਨਹੀਂ ਪਾਇਆ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਪੰਜਾਬ ਸੁਬਾਰਡੀਨੇਟ ਸਰਵਿਸਿਜ ਫੈਡਰੇਸ਼ਨ ਬਲਾਕ ਪ੍ਰਧਾਨ ਨਰਿੰਦਰ ਅਜਨੋਹਾ, ਮੱਖਣ ਸਿੰਘ ਲੰਗੇਰੀ , ਜਿਲਾ ਆਗੂ ਅਮਰਜੀਤ ਕੁਮਾਰ , ਪਰਮਜੀਤ ਕਾਤਿਬ ਅਤੇ ਮਿਡ-ਡੇ-ਮੀਲ ਵਰਕਰ ਯੂਨੀਅਨ ਪੰਜਾਬ ਦੀ ਜਨਰਲ ਸਕੱਤਰ ਭੈਣ ਕਮਲਜੀਤ ਕੌਰ ਖੜੌਦੀ ਨੇ ਜਲੰਧਰ ਦੇਸ਼-ਭਗਤ ਯਾਦਗਾਰ ਹਾਲ ਵਿਖੇ ਹੋਈ ਰੈਲੀ ਲਈ ਬਲਾਕ ਤੋਂ ਮੁਲਾਜ਼ਮਾਂ ਦੇ ਜਥੇ ਨਾਲ ਰਵਾਨਾ ਹੁੰਦਿਆਂ ਕੀਤਾ। 
ਆਗੂਆਂ ਨੇ ਕਿਹਾ ਕਿ ਮਜਦੂਰ, ਕਿਸਾਨ, ਮੁਲਾਜਮ ਅਤੇ ਆਮ ਜਨਤਾ ਸਮੇਤ ਹਰ ਵਰਗ ਪੰਜਾਬ ਸਰਕਾਰ ਤੋਂ ਦੁਖੀ ਹੈ। ਪੁਰਾਣੀ ਪੈਨਸ਼ਨ , ਪੇਅ-ਕਮਿਸ਼ਨ ਅਤੇ ਮਹਿੰਗਾਈ ਭੱਤੇ ਦਾ ਯਕਮੁਸ਼ਤ ਬਕਾਇਆ, ਕੱਟੇ 37 ਭੱਤੇ , ਏ.ਸੀ.ਪੀ, 2018 ਦੇ ਸਰਵਿਸ ਰੂਲ, ਨਵੀਂ ਸਿੱਖਿਆ ਨੀਤੀ, ਮਿਡਲ ਸਕੂਲ ਬੰਦ ਨਾ ਕਰਨ, ਮਿਡ-ਡੇ-ਮੀਲ ਵਰਕਰ, ਆਸ਼ਾ ਵਰਕਰ ਆਂਗਣਵਾੜੀ ਵਰਕਰ ਲਈ ਤਨਖਾਹ ਵਧਾਉਣ, ਆਉਟਸੋਰਸਿੰਗ, ਇਨਲਿਸਟਮੈਂਟ ਅਤੇ ਹਰ ਪ੍ਰਕਾਰ ਦੇ ਕੱਚੇ ਮੁਲਾਜਮਾਂ ਪੱਕੇ ਕਰਨ , ਪੈਨਸ਼ਨਰਾਂ ਲਈ 2.59 ਗੁਣਾਂਕ, ਕੇਂਦਰੀ ਪੇਅ-ਕਮਿਸ਼ਨ ਰੱਦ ਕਰਨ, ਅਸਾਮੀਆਂ ਦੀ ਅਕਾਰ ਘਟਾਈ, ਕੰਪਿਊਟਰ ਅਧਿਆਪਕਾਂ ਨੂੰ ਸਿੱਖਿਆ ਵਿਭਾਗ ਵਿੱਚ ਮਰਜ ਕਰਨ ਅਤੇ ਕਈ ਹੋਰ ਹੱਕੀ ਅਤੇ ਜਾਇਜ ਮੰਗਾਂ ਪ੍ਰਤੀ ਸਰਕਾਰ ਵਲੋਂ ਘੇਸਲ ਵੱਟਣ ਕਰਕੇ ਮੁਲਾਜਮ-ਪੈਨਸ਼ਨਰ ਵਰਗ ਸਰਕਾਰ ਵਿਰੁੱਧ ਸੰਘਰਸ਼ ਕਰ ਰਿਹਾ ਹੈ।
ਆਗੂਆਂ ਨੇ ਮੰਗ ਕੀਤੀ ਕਿ ਪੰਜਾਬ ਸਰਕਾਰ ਮੁਲਾਜਮ-ਪੈਨਸ਼ਨਰ ਵਰਗ ਦੀਆਂ ਮੰਗਾਂ ਨੂੰ ਜਲਦ ਹੱਲ ਕਰੇ। ਇਸ ਮੌਕੇ ਮੁਲਾਜਮਾਂ ਨੇ ਪੰਜਾਬ ਸਰਕਾਰ ਵਿਰੁੱਧ ਜੰਮ ਕੇ ਨਾਅਰੇਬਾਜ਼ੀ ਕੀਤੀ। ਇਸ ਮੌਕੇ ਸਤਨਾਮ ਸਿੰਘ, ਟੇਕਚੰਦ, ਗੁਰਨਾਮ ਚੰਦ , ਉਂਕਾਰ ਸਿੰਘ, ਸਗਲੀ ਰਾਮ, ਸੁਰਜੀਤ ਸਿੰਘ,  ਸੁਰਿੰਦਰ ਸਿੰਘ , ਅਮਰਜੀਤ ਸਿੰਘ , ਵਿਨੋਦ ਕੁਮਾਰ , ਬਲਜੀਤ ਸਿੰਘ, ਬਲਜਿੰਦਰ ਸਿੰਘ, ਸਰਵਣ ਸਿੰਘ, ਗੁਰਮੀਤ ਸਿੰਘ, ਮਨਜਿੰਦਰ ਸਿੰਘ, ਰਵਿੰਦਰ ਕੁਮਾਰ, ਸੱਤਪਾਲ, ਪ੍ਰਮਿੰਦਰ ਸਿੰਘ, ਰਾਜਨ, ਗੁਰਮੁੱਖ ਸਿੰਘ, ਰਕੇਸ਼ ਕੁਮਾਰ,  ਕੁਲਦੀਪ ਸਿੰਘ, ਓਮ ਦੱਤ , ਗੁਰਜੀਤ ਸਿੰਘ, ਮਨਜੀਤ ਸਿੰਘ ਬਲਵਿੰਦਰ ਕੌਰ, ਸੁਰਿੰਦਰ ਕੌਰ, ਕੁਲਵਿੰਦਰ ਕੌਰ, ਹਰਬੰਸ ਕੌਰ, ਲਵਪ੍ਰੀਤ ਕੌਰ, ਰਾਧਾ, ਗੁਰਪ੍ਰੀਤ ਕੌਰ ਆਦਿ ਵੱਡੀ ਗਿਣਤੀ ਵਿੱਚ ਮੁਲਾਜ਼ਮ ਹਾਜ਼ਰ ਸਨ।