ਕਪੂਰਥਲਾ (ਪੈਗਾਮ ਏ ਜਗਤ) - ਉਸਤਾਦ ਸ਼੍ਰੀ ਪ੍ਰੀਤਮ ਦਾਸ ( ਪ੍ਰੀਤੂ ਕਪੂਰਥਲੇ ਵਾਲੇ)  ਬੀਤੇ ਦਿਨੀ ਆਪਣੀ ਸੰਸਾਰਿਕ ਯਾਤਰਾ ਪੂਰੀ ਕਰਕੇ ਪਰਮਾਤਮਾ ਦੇ ਚਰਨਾਂ ਵਿੱਚ ਜਾ ਬਿਰਾਜੇ ਹਨ। ਉਨ੍ਹਾਂ ਦੇ ਗਾਇਕੀ ਅਤੇ ਕਵਾਲੀ ਵਿੱਚ ਅਣਗਿਣਤ ਸ਼ਾਗਿਰਦ ਹਨ। ਉਨ੍ਹਾਂ ਕਾਫ਼ੀ ਸਮਾਂ ਨਕਲਚੀ ਕਲਾਕਾਰਾਂ ਨਾਲ ਵੀ ਕੰਮ  ਕੀਤਾ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਅੱਜ ਮਿਤੀ 14 ਨਵੰਬਰ ਨੂੰ ਦੁਪਹਿਰ 12 ਵਜੇ ਲਕਸ਼ਮੀ ਨਗਰ ਨੇੜੇ ਸ਼ਾਲੀਮਰ ਬਾਗ ਕਪੂਰਥਲਾ ਵਿਖੇ ਕੀਤਾ ਜਾਵੇਗਾ।
ਉਸਤਾਦ ਪ੍ਰੀਤੂ ਕਪੂਰਥਲੇ ਵਾਲਿਆਂ ਦਾ ਪ੍ਰਸਿੱਧ ਗੀਤ 'ਸੁਣੀਂ ਮਾਲਕਾ ਮੇਰੀ ਕੂਕ ਪਪੀਹੇ ਵਾਲੀ'  ਸੀ,  ਜੋ ਉਨ੍ਹਾਂ ਪਦਮ ਸ਼੍ਰੀ ਹੰਸ ਰਾਜ ਹੰਸ ਨਾਲ ਗਾਇਆ ਸੀ,ਪ੍ਰਿੰਸੀਪਲ ਡਾ. ਬਲਦੇਵ ਸਿੰਘ ਢਿੱਲੋਂ, ਅੰਤਰਰਾਸ਼ਟਰੀ ਪੱਧਰ ਦੇ ਪ੍ਰਸਿੱਧ ਲੋਕ ਗਾਇਕ ਦਲਵਿੰਦਰ ਦਿਆਲਪੁਰੀ, ਜਗਜੀਤ ਖੋਸਲਾ, ਗਾਇਕ ਹਰਪ੍ਰੀਤ ਰੰਧਾਵਾ, ਕੌਮਾਂਤਰੀ ਸ਼ਾਇਰ ਕੰਵਰ ਇਕਬਾਲ ਸਿੰਘ ਪ੍ਰਧਾਨ ਸਿਰਜਣਾ ਕੇਂਦਰ (ਰਜਿ.) ਕਪੂਰਥਲਾ ਗੁਰਪ੍ਰੀਤ ਰੰਧਾਵਾ, ਯੁਵਕ ਸੇਵਾਵਾਂ ਵਿਭਾਗ ਜਲੰਧਰ ਦੇ ਸਹਾਇਕ ਡਾਇਰੈਕਟਰ ਸ੍ਰੀ ਰਵੀ ਦਾਰਾ ਤੇ ਕੋਰੀਓਗ੍ਰਾਫਰ ਵਿਕਰਮਜੀਤ ਵਿੱਕੀ ਨੇ ਉਨ੍ਹਾਂ ਦੇ ਬੇਵਕਤ ਅਕਾਲ ਚਲਾਣੇਂ ਉੱਪਰ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਕੀਤਾ।