ਸਰਕਾਰੀ ਐਲੀਮੈਂਟਰੀ ਸਕੂਲ ਲਕਸੀਹਾਂ ਵਿੱਖੇ ਐਨ ਆਰ ਆਈ ਸਵ. ਸ੍ਰ. ਗੁਰਬਖਸ਼ ਸਿੰਘ ਗਿੱਲ ਜੀ ਦੀ ਯਾਦ ਵਿੱਚ ਪਰਿਵਾਰ ਵਲੋਂ ਸਕੂਲ ਦੇ ਨਾਲ ਲਗਦਾ ਪਲਾਟ ਸਮੇਤ ਕਮਰੇ ਸਕੂਲ ਨੂੰ ਦਾਨ ਦਿੱਤਾ ਗਿਆ। ਜਸਵਿੰਦਰ ਸਿੰਘ ਹੀਰ ਮਾਹਿਲਪੁਰ  ਸਰਕਾਰੀ ਐਲੀਮੈਂਟਰੀ ਸਕੂਲ ਲਕਸੀਹਾਂ ਵਿੱਖੇ ਐਨ ਆਰ ਆਈ ਸਵ. ਸ੍ਰ. ਗੁਰਬਖਸ਼ ਸਿੰਘ ਗਿੱਲ ਜੀ ਦੀ ਯਾਦ ਵਿੱਚ ਉਹਨਾਂ ਦੀ ਧਰਮ ਪਤਨੀ ਸ਼੍ਰੀਮਤੀ ਸਤਵੰਤ ਕੌਰ ਗਿੱਲ, ਬੇਟੇ ਦਵਿੰਦਰ ਸਿੰਘ ਗਿੱਲ, ਹਰਿੰਦਰ ਸਿੰਘ ਗਿੱਲ, ਜਵਾਈ ਸ਼੍ਰੀ ਬਲਦੇਵ ਸਿੰਘ ਗੰਢਵਾਂ ਅਤੇ ਨਹੁੰ ਸ਼੍ਰੀਮਤੀ ਕਸ਼ਮੀਰ ਕੌਰ ਵਲੋਂ ਸਕੂਲ ਦੇ ਨਾਲ ਲਗਦਾ ਪਲਾਟ ਸਮੇਤ ਕਮਰੇ ਸਕੂਲ ਨੂੰ ਦਾਨ ਦਿੱਤਾ ਗਿਆ। ਇਸ ਮੌਕੇ ਪ੍ਰਵਾਸੀ ਪਰਿਵਾਰ ਦੇ ਸਨਮਾਨ ਲਈ ਪਿੰਡ ਦੀ ਪੰਚਾਇਤ, ਸਕੂਲ ਮੈਨੇਜਮੈਂਟ ਕਮੇਟੀ ਦੇ ਮੈਂਬਰਾਂ ਅਤੇ ਬੱਚਿਆਂ ਦੇ ਮਾਪਿਆਂ ਨੇ ਵਿਸ਼ੇਸ਼ ਤੌਰ ਤੇ ਹਿੱਸਾ ਲਿਆ। 
ਇਸ ਮੌਕੇ ਪਿੰਡ ਦੇ ਸਰਪੰਚ ਅਵਤਾਰ ਸਿੰਘ ਵਲੋਂ ਦੱਸਿਆ ਗਿਆ ਕਿ ਸਵ. ਗੁਰਬਖਸ਼ ਸਿੰਘ ਗਿੱਲ ਨੇ ਪਹਿਲਾਂ ਵੀ ਸਕੂਲ ਨਾਲ ਲਗਦਾ ਆਪਣਾ ਪਲਾਟ ਦਾਨ ਦਿੱਤਾ ਸੀ ਅਤੇ ਸਰਕਾਰੀ ਹਾਈ ਸਕੂਲ ਵਿੱਚ ਵੀ ਕਮਰੇ ਬਣਵਾ ਚੁੱਕੇ ਸਨ। ਸਕੂਲ ਕਮੇਟੀ ਚੇਅਰਮੈਨ ਰਜਿੰਦਰ ਸਿੰਘ ਅਤੇ ਪੰਚਾਇਤ ਵਲੋਂ ਪਰਿਵਾਰ ਨੂੰ ਸਿਰੋਪਾਓ ਦੇ ਕੇ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਕੰਪਿਊਟਰ ਅਧਿਆਪਕ ਸ੍ਰ. ਜਗਜੀਤ ਸਿੰਘ ਵਲੋਂ ਐਨ ਆਰ ਆਈਜ਼ ਵਲੋਂ ਦੋਹਾਂ ਸਕੂਲਾਂ ਲਈ ਕੀਤੇ ਜਾ ਰਹੇ ਉਪਰਾਲਿਆਂ ਦੀ ਸ਼ਲਾਘਾ ਕੀਤੀ ਅਤੇ ਪਿੰਡ ਵਾਸੀਆਂ ਨੂੰ ਵੱਧ ਤੋਂ ਵੱਧ ਬੱਚੇ ਸਰਕਾਰੀ ਸਕੂਲਾਂ ਵਿੱਚ ਦਾਖ਼ਲ ਕਰਵਾਉਣ ਲਈ ਪ੍ਰੇਰਿਤ ਕੀਤਾ ਗਿਆ। 
ਸ਼੍ਰੀਮਤੀ ਹਰਪ੍ਰੀਤ ਕੌਰ ਸਾਬਕਾ ਚੇਅਰਮੈਨ ਵਲੋਂ ਬੱਚਿਆਂ ਨੂੰ ਪੜ੍ਹਾਈ ਦੇ ਨਾਲ ਨਾਲ ਖੇਡਾਂ ਵਿੱਚ ਭਾਗ ਲੈਣ ਅਤੇ ਬੱਚਿਆਂ ਨੂੰ ਮੋਬਾਈਲ ਫ਼ੋਨ ਦੀ ਵਰਤੋਂ ਨਾ ਕਰਨ ਲਈ ਪ੍ਰੇਰਿਤ ਕੀਤਾ। ਐੱਨ ਆਰ ਆਈ ਦਵਿੰਦਰ ਸਿੰਘ ਗਿੱਲ ਵਲੋਂ ਬੱਚਿਆਂ ਨੂੰ ਸਾਫ ਪਾਣੀ ਦੇ ਪ੍ਰਬੰਧ ਲਈ ਕਰਮਸ਼ੀਅਲ ਵਾਟਰ ਪਿਊਰੀਫਾਇਰ ਵੀ ਲਗਵਾਇਆ ਗਿਆ ਅਤੇ ਸਕੂਲ ਭਲਾਈ ਨਾਲ ਸੰਬੰਧਿਤ ਸਮੇਂ ਸਮੇਂ ਸਹਿਯੋਗ ਦੇਣ ਦਾ ਵਾਅਦਾ ਕੀਤਾ ਗਿਆ। ਇਸ ਮੌਕੇ ਨਵੇਂ ਵਿਦਿਅਕ ਵਰ੍ਹੇ ਦੇ ਸ਼ੁਰੂਆਤ ਸਮੇਂ ਸ੍ਰ. ਯੋਧ ਸਿੰਘ ਵਲੋਂ ਬੱਚਿਆਂ ਨੂੰ ਕਾਪੀਆਂ ਅਤੇ ਸਟੇਸ਼ਨਰੀ ਵੀ ਵੰਡੀ ਗਈ। ਸਟੇਜ ਸੰਚਾਲਨ ਦੀ ਭੂਮਿਕਾ ਅਧਿਆਪਕ ਸ਼੍ਰੀ ਸਗਲੀ ਰਾਮ ਵਲੋਂ ਨਿਭਾਈ ਗਈ। 
ਇਸ ਮੌਕੇ ਸਕੂਲ ਮੁੱਖੀ ਬਲਜਿੰਦਰ ਪਾਲ, ਲਵਲੀਨ, ਸ੍ਰ ਜਸਵਿੰਦਰ ਸਿੰਘ, ਸ੍ਰ. ਭੁਪਿੰਦਰ ਸਿੰਘ, ਮਾ. ਮੋਹਣ ਸਿੰਘ, ਲਹਿੰਬਰ ਸਿੰਘ ਸਾਬਕਾ ਸਰਪੰਚ, ਮਾ. ਕੁਲਦੀਪ ਸਿੰਘ, ਮਨਜਿੰਦਰ ਸਿੰਘ, ਰਾਜ ਕੁਮਾਰ, ਬਲਵਿੰਦਰ ਸਿੰਘ, ਰੇਖਾ ਰਾਣੀ ਪੰਚ, ਸੁਲੇਖਾ ਰਾਣੀ ਪੰਚ, ਮਲਕੀਤ ਸਿੰਘ ਗਿੱਲ, ਪਰਮਜੀਤ ਕੌਰ ਸਾਬਕਾ ਚੇਅਰਮੈਨ, ਸੁਰਿੰਦਰ ਸਿੰਘ ਸਾਇੰਸ ਮਾਸਟਰ, ਆਂਗਣਵਾੜੀ ਵਰਕਰ ਜੋਗਿੰਦਰ ਕੌਰ, ਆਂਗਣਵਾੜੀ ਹੈਲਪਰ ਬਲਵਿੰਦਰ ਕੌਰ, ਮੈਡਮ ਪ੍ਰਿਆ, ਮੈਡਮ ਰਾਜਵਿੰਦਰ ਕੌਰ, ਚੇਅਰਮੈਨ ਹਰਪ੍ਰੀਤ ਕੌਰ, ਮਮਤਾ, ਰਜਵੰਤ ਕੌਰ, ਕੁਲਵੀਰ ਕੌਰ (ਕੁੱਕ), ਪਰਮਜੀਤ ਕੌਰ (ਕੁੱਕ) ਆਦਿ ਹਾਜ਼ਰ ਸਨ।