ਚੰਡੀਗੜ੍ਹ, 18 ਸਤੰਬਰ 2024: ਭਾਰਤ ਸਰਕਾਰ ਦੇ ਸੂਖਮ, ਲਘੂ ਅਤੇ ਮੱਧਮ ਉਧੋਗ ਮੰਤ੍ਰਾਲਯ ਨੇ ਉਦਯੋਗ ਵਿਭਾਗ, ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸਹਿਯੋਗ ਨਾਲ 18 ਸਤੰਬਰ 2024 ਨੂੰ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਚੰਡੀਗੜ੍ਹ ਵਿੱਚ ਸਮੁੱਚੀ ਜਾਗਰੂਕਤਾ ਵਰਕਸ਼ਾਪ ਅਤੇ ਆਰਏਐਮਪੀ ਦਾ ਸ਼ੁਭਾਰੰਭ ਕੀਤਾ। ਇਸ ਪ੍ਰੋਗਰਾਮ ਦਾ ਆਯੋਜਨ ਆਰਏਐਮਪੀ ਪ੍ਰੋਗਰਾਮ ਤਹਿਤ ਵਿਆਪਕ ਰਣਨੀਤਿਕ ਨਿਵੇਸ਼ ਯੋਜਨਾ ਨੂੰ ਲਾਗੂ ਕਰਨ ਵਿੱਚ ਹਿੱਤਧਾਰਕਾਂ ਨੂੰ ਇਕੱਠਾ ਕਰਨ ਅਤੇ ਐਮਐੱਸਐਮਈ ਮੰਤ੍ਰਾਲਯ ਦੀਆਂ ਵੱਖ-ਵੱਖ ਯੋਜਨਾਵਾਂ ਬਾਰੇ ਜਾਗਰੂਕਤਾ ਵਧਾਉਣ ਲਈ ਕੀਤਾ ਗਿਆ ਸੀ।

ਭਾਰਤ ਸਰਕਾਰ ਦੇ ਐਮਐੱਸਐਮਈ ਮੰਤ੍ਰਾਲਯ ਦੇ ਨਿਰਦੇਸ਼ਕ (ਜੀ.ਏ. ਐਂਡ ਟੀਪੀ) ਸ਼੍ਰੀ ਵਿਨਮਰਾ ਮਿਸ਼ਰ ਅਤੇ ਨਿਰਦੇਸ਼ਕ (ਆਈ.ਸੀ. ਐਂਡ ਡਬਲਯੂ.ਈ.ਸੀ) ਸੁਸ਼੍ਰੀ ਅੰਕਿਤਾ ਪਾਂਡੇ ਨੇ ਇਸ ਪ੍ਰੋਗਰਾਮ ਵਿੱਚ ਭਾਗ ਲਿਆ ਅਤੇ ਆਰਏਐਮਪੀ ਪ੍ਰੋਗਰਾਮ ਤਹਿਤ ਸਹਾਇਤਾ ਪ੍ਰਾਪਤ ਕਰਨ ਵਾਲੇ ਪਹਿਲੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਹੋਣ ਲਈ ਚੰਡੀਗੜ੍ਹ ਦੀ ਸਾਰਾਹਣਾ ਕੀਤੀ। ਸ਼੍ਰੀ ਵਿਨਮਰਾ ਮਿਸ਼ਰ ਨੇ ਐਮਐੱਸਐਮਈ ਦੇ ਬਦਲਦੇ ਦ੍ਰਿਸ਼ਕੋਣ ਅਤੇ ਬਜ਼ਾਰ ਤੱਕ ਪਹੁੰਚ, ਕਰਜ਼ਾ, ਤਕਨੀਕ, ਹਰਿਤਕਰਨ ਅਤੇ ਐਮਐੱਸਐਮਈ ਦੀ ਸਥਿਰਤਾ ਵਰਗੀਆਂ ਚੁਣੌਤੀਆਂ ਦਾ ਸਾਹਮਣਾ ਕਰਨ ਵਿੱਚ ਮੰਤ੍ਰਾਲਯ ਦੀਆਂ ਪਹਿਲਕਦਮੀਆਂ 'ਤੇ ਜ਼ੋਰ ਦਿੱਤਾ।

ਸ਼੍ਰੀਮਤੀ ਅੰਕਿਤਾ ਪਾਂਡੇ ਨੇ ਸਨਮਾਨਿਤ ਸਦਨ ਨੂੰ ਸੰਬੋਧਨ ਕਰਦੇ ਹੋਏ ਭਾਰਤੀ ਅਰਥਵਿਵਸਥਾ ਵਿੱਚ ਐਮਐੱਸਐਮਈ ਪਾਰਿਸਥਿਤਿਕ ਤੰਤ੍ਰ ਦੇ ਮਹੱਤਵ 'ਤੇ ਜ਼ੋਰ ਦਿੱਤਾ ਅਤੇ ਸਰਕਾਰ ਦੀਆਂ ਯੋਜਨਾਵਾਂ ਅਤੇ ਆਰਏਐਮਪੀ ਅਤੇ ਯਸ਼ਸਵਿਨੀ ਵਰਗੇ ਹਸਤਖੇਪਾਂ ਦੇ ਯੋਗਦਾਨ ਬਾਰੇ ਜਾਣਕਾਰੀ ਦਿੱਤੀ।

ਵਰਕਸ਼ਾਪ ਨੇ ਐਮਐੱਸਐਮਈ ਹਰਿਤ ਨਿਵੇਸ਼ ਅਤੇ ਬਦਲਾਅ ਲਈ ਵਿੱਤਪ੍ਰਦਾਨ ਯੋਜਨਾ (ਐਮਐੱਸਐਮਈ ਗਿਫਟ ਯੋਜਨਾ), ਸਰਕੂਲਰ ਅਰਥਵਿਵਸਥਾ ਵਿੱਚ ਸੰਵਰਧਨ ਅਤੇ ਨਿਵੇਸ਼ ਲਈ ਐਮਐੱਸਈ ਯੋਜਨਾ (ਐਮਐੱਸਈ ਸਪਾਈਸ ਯੋਜਨਾ), ਬਿਲੰਬਤ ਭੁਗਤਾਨ ਲਈ ਓ.ਡੀ.ਆਰ. ਤੇ ਐਮਐੱਸਈ ਯੋਜਨਾ, ਐਮਐੱਸਐਮਈ ਵਪਾਰ ਸਮਰੱਥਾ ਅਤੇ ਮਾਰਕੀਟਿੰਗ (ਟੀ.ਈ.ਐਮ) ਪਹਲ, ਉਦਯੋਗੀ ਭਾਰਤ ਪੋਰਟਲ ਅਤੇ ਆਰਏਐਮਪੀ ਤਹਿਤ ਸਮਰਥਿਤ ਹੋਰ ਉਪਰਾਲੇ ਜਿਵੇਂ ਕਿ ਟੀ.ਆਰ.ਈ.ਡੀ.ਐਸ ਅਤੇ ਈ.ਐੱਸ.ਜੀ. ਆਦਿ ਬਾਰੇ ਜਾਗਰੂਕਤਾ ਪੈਦਾ ਕੀਤੀ। ਵਰਕਸ਼ਾਪ ਨੇ ਐਮਐੱਸਐਮਈ ਚੈਂਪੀਅਨਜ਼ ਯੋਜਨਾ (ਜ਼ੀ.ਈ.ਡੀ., ਲੀਨ ਅਤੇ ਐਮਐੱਸਐਮਈ ਇਨੋਵੇਟਿਵ) ਅਤੇ ਰਾਸ਼ਟਰੀ ਐਸ.ਸੀ./ਐਸ.ਟੀ. ਹੱਬ ਯੋਜਨਾ ਆਦਿ ਵਰਗੀਆਂ ਮੌਜੂਦਾ ਯੋਜਨਾਵਾਂ ਬਾਰੇ ਵੀ ਜਾਗਰੂਕਤਾ ਪੈਦਾ ਕੀਤੀ।

ਸ਼੍ਰੀਮਤੀ ਹਰਗੁੰਜੀਤ ਕੌਰ, ਉਦਯੋਗ ਸਚਿਵ, ਚੰਡੀਗੜ੍ਹ ਨੇ ਆਰਏਐਮਪੀ ਦੇ ਮਹੱਤਵ 'ਤੇ ਰੋਸ਼ਨੀ ਪਾਉਂਦੇ ਹੋਏ ਕਿਹਾ, "ਅੱਜ ਦਾ ਪ੍ਰੋਗਰਾਮ ਸਾਡੇ ਐਮਐੱਸਐਮਈ ਦੀ ਸਮਰੱਥਾ ਨੂੰ ਅਗੇ ਵਧਾਉਣ ਵਿੱਚ ਇੱਕ ਬਦਲਾਅਕਾਰੀ ਪਹਲ ਦਾ ਨਿਰਦੇਸ਼ਨ ਕਰਦਾ ਹੈ। ਮਹੱਤਵਪੂਰਨ ਮੁੱਦਿਆਂ ਨੂੰ ਹੱਲ ਕਰਕੇ ਅਤੇ ਆਧੁਨਿਕ ਤਕਨੀਕਾਂ ਦਾ ਲਾਭ ਉਠਾ ਕੇ, ਅਸੀਂ ਚੰਡੀਗੜ੍ਹ ਦੀ ਆਰਥਿਕ ਅਤੇ ਜਨਸੰਖਿਆਵਾਦੀ ਵਿਕਾਸ ਦੀ ਕਹਾਣੀ ਵਿੱਚ ਉਹਨਾਂ ਦੇ ਸ਼ਾਨਦਾਰ ਯੋਗਦਾਨ ਨੂੰ ਮਾਨਤਾ ਦੇ ਕੇ ਉਦਯੋਗਾਂ ਨੂੰ ਪ੍ਰੋਤਸਾਹਿਤ ਕਰਨਾ ਚਾਹੁੰਦੇ ਹਾਂ।"

ਸ਼੍ਰੀ ਪਵਿਤਰ ਸਿੰਘ, ਨਿਰਦੇਸ਼ਕ ਉਦਯੋਗ, ਚੰਡੀਗੜ੍ਹ ਨੇ ਕਿਹਾ ਕਿ "ਉਦਯੋਗ ਵਿਭਾਗ ਨਵੀਂ ਯੋਜਨਾਵਾਂ ਅਤੇ ਪਹਲਾਂ ਦੇ ਜਰੀਏ ਉਦਯੋਗ ਅਭਿਆਸਾਂ ਨੂੰ ਮਜ਼ਬੂਤ ਕਰਨ ਅਤੇ ਸਾਡੇ ਨਿਰਮਾਣ ਅਤੇ ਸੇਵਾ ਉਧੋਗਾਂ ਅਤੇ ਵਪਾਰੀਆਂ ਦੇ ਵਪਾਰ ਵਿਕਾਸ ਨੂੰ ਸੁਗਮ ਬਣਾਉਣ ਲਈ ਕਮਿਟਮੈਂਟ ਹੈ। ਕੀਮਤੀ ਸਰੋਤਾਂ ਅਤੇ ਰਣਨੀਤਿਕ ਸਹਾਇਤਾ ਪ੍ਰਦਾਨ ਕਰਕੇ, ਵਿਭਾਗ ਉਦਯੋਗਾਂ ਨੂੰ ਚੁਣੌਤੀਆਂ ਦਾ ਸਾਹਮਣਾ ਕਰਨ ਅਤੇ ਆਪਣੇ ਲਕਸ਼ਾਂ ਨੂੰ ਪ੍ਰਾਪਤ ਕਰਨ ਵਿੱਚ ਮਦਦ ਕਰਨ ਦੀ ਉਮੀਦ ਕਰਦਾ ਹੈ।"

ਆਰਏਐਮਪੀ ਲਾਂਚ ਪ੍ਰੋਗਰਾਮ ਅਤੇ ਸਮੁੱਚੀ ਜਾਗਰੂਕਤਾ ਵਰਕਸ਼ਾਪ ਨੇ ਐਮਐੱਸਐਮਈ ਦਾ ਪ੍ਰਤੀਨਿਧਿਤ ਕਰਨ ਵਾਲੇ ਉਦਯੋਗੀਆਂ, ਉਦਯੋਗ ਸੰਘਾਂ, ਸਿੱਖਿਆ ਸੰਸਥਾਵਾਂ ਅਤੇ ਵਿੱਤੀ ਸੰਸਥਾਵਾਂ ਦੇ ਵਿਆਪਕ ਮੈਂਬਰਾਂ ਸਮੇਤ ਮੁੱਖ ਹਿੱਤਧਾਰਕਾਂ ਨੂੰ ਚੰਡੀਗੜ੍ਹ ਵਿੱਚ ਐਮਐੱਸਐਮਈ ਦ੍ਰਿਸ਼ਕੋਣ ਨੂੰ ਬਦਲਣ ਲਈ ਸਹਿਯੋਗੀ ਉਪਰਾਲੇ ਕਰਨ ਲਈ ਇੱਕ ਸਾਂਝੀ ਦ੍ਰਿਸ਼ਟੀ ਦੇ ਨਾਲ ਇਕੱਠਾ ਕੀਤਾ।