ਹੁਸ਼ਿਆਰਪੁਰ- ਮਹਰਿਸ਼ੀ ਭ੍ਰਿਗੁਵੇਦ ਵਿਦਿਆਲੇ ਵੱਲੋਂ ਸ਼ਕਤੀ ਮੰਦਰ ਵਿੱਚ ਆਯੋਜਿਤ ਸ਼੍ਰੀ ਹਨੁਮਾਨ ਕਥਾ ਦੇ ਪਹਿਲੇ ਦਿਨ ਸ਼੍ਰੀਰਾਮ ਜਨਮਭੂਮੀ ਨਿਆਸ, ਅਯੋਧਿਆ ਦੇ ਕੋਸ਼ਾਧ੍ਯਕਸ਼ ਸ਼੍ਰੀ ਗੋਵਿੰਦਦੇਵ ਗਿਰੀ ਜੀ ਮਹਾਰਾਜ ਨੇ ਵਿਧਿਵਤ ਪੂਜਨ ਤੇ ਵਿਦਿਆਲੇ ਦੇ ਵਿਦਿਆਰਥੀਆਂ ਵੱਲੋਂ ਸਵਸਤਿਵਾਚਨ ਨਾਲ ਕਥਾ ਦੀ ਸ਼ੁਰੂਆਤ ਕੀਤੀ।
ਸਵਾਮੀ ਜੀ ਨੇ ਸ਼੍ਰੋਤਿਆਂ ਨੂੰ ਹਨੁਮਾਨ ਜੀ ਦੇ ਜਨਮ ਦੀ ਅਦਭੁਤ ਤੇ ਦਿਵ੍ਯ ਕਥਾ ਸੁਣਾਉਂਦੇ ਹੋਏ ਦੱਸਿਆ ਕਿ ਵਾਨਰਰਾਜ ਕੇਸਰੀ ਅਤੇ ਅੰਜਨਾ ਦੀ ਕਠਿਨ ਤਪੱਸਿਆ ਤੋਂ ਪ੍ਰਸੰਨ ਹੋ ਕੇ ਪਵਨ ਦੇਵ ਨੇ ਆਪਣੇ ਔਰਸ ਪੁੱਤਰ ਵਜੋਂ ਸ਼੍ਰੀ ਹਨੁਮਾਨ ਜੀ ਨੂੰ ਜਨਮ ਦਿਤਾ। ਵਾਯੂ ਦੇ ਪੁੱਤਰ ਹੋਣ ਕਾਰਨ ਬਚਪਨ ਵਿੱਚ ਉਹਨਾਂ ਦਾ ਨਾਮ ਮਾਰੁਤੀ ਰੱਖਿਆ ਗਿਆ। ਬਚਪਨ ਤੋਂ ਹੀ ਉਹ ਅਤਿਅੰਤ ਚੰਚਲ, ਬੁੱਧੀਮਾਨ ਅਤੇ ਬਲਵਾਨ ਸਨ।
ਸਵਾਮੀ ਜੀ ਨੇ ਬਚਪਨ ਦੀ ਇਕ ਘਟਨਾ ਦਾ ਵਰਣਨ ਕੀਤਾ ਕਿ ਜਦੋਂ ਹਨੁਮਾਨ ਜੀ ਨੇ ਸੂਰਜ ਨੂੰ ਲਾਲ ਰੰਗ ਕਾਰਨ ਫਲ ਸਮਝ ਕੇ ਨਿਗਲਣ ਲਈ ਅਸਮਾਨ ਵੱਲ ਉੱਡਾਨ ਭਰੀ। ਉਸ ਸਮੇਂ ਗ੍ਰਹਿਣ ਲੱਗਣ ਕਾਰਨ ਰਾਹੂ ਸੂਰਜ ਵੱਲ ਆ ਰਿਹਾ ਸੀ, ਜਿਸਨੂੰ ਹਨੁਮਾਨ ਜੀ ਨੇ ਵਿਚਕਾਰ ਹੀ ਪਕੜਨ ਦੀ ਕੋਸ਼ਿਸ਼ ਕੀਤੀ। ਆਪਣੀ ਰੱਖਿਆ ਲਈ ਰਾਹੂ ਨੇ ਇੰਦਰ ਨੂੰ ਪੁਕਾਰਿਆ ਤੇ ਇੰਦਰ ਦੇ ਵਜ੍ਰ ਹਥਿਆਰ ਨਾਲ ਮਾਰੁਤੀ ਦੀ ਠੋਡੀ (ਹਨੁ) ’ਤੇ ਪ੍ਰਹਾਰ ਹੋਇਆ। 
ਇਸ ਨਾਲ ਵਾਯੂ ਦੇਵ ਰੁੱਸ ਗਏ ਅਤੇ ਸ੍ਰਿਸ਼ਟੀ ਵਿਚ ਵਾਯੂ ਦਾ ਪ੍ਰਭਾਵ ਰੋਕ ਦਿੱਤਾ। ਇਸ ਸਥਿਤੀ ’ਚ ਬ੍ਰਹਮਾ ਸਮੇਤ ਸਾਰੇ ਦੇਵਤੇ ਪ੍ਰਸੰਨ ਕਰਕੇ ਹਨੁਮਾਨ ਜੀ ਨੂੰ ਅਨੇਕਾਂ ਵਰਦਾਨ ਤੇ ਸ਼ਕਤੀਆਂ ਪ੍ਰਦਾਨ ਕੀਤੀਆਂ ਅਤੇ ਇੰਦਰ ਨੇ ਉਨ੍ਹਾਂ ਨੂੰ ਹਨੁ ’ਤੇ ਪ੍ਰਹਾਰ ਕਾਰਨ ਹਨੁਮਾਨ ਨਾਮ ਦਿੱਤਾ।
ਕਥਾ ਦੇ ਦੌਰਾਨ ਸਵਾਮੀ ਜੀ ਨੇ ਹਨੁਮਾਨ ਜੀ ਦੇ ਪਹਿਲੇ ਮਿਲਾਪ ਦਾ ਸੁੰਦਰ ਵਰਣਨ ਕੀਤਾ, ਜਦੋਂ ਭਗਵਾਨ ਸ਼੍ਰੀਰਾਮ ਆਪਣੇ ਭਰਾ ਲਕਸ਼ਮਣ ਨਾਲ ਹਨੁਮਾਨ ਬਾਰੇ ਕਹਿੰਦੇ ਹਨ ਕਿ ਇਹ ਚਾਰੋ ਵੇਦਾਂ ਦੇ ਗਿਆਤਾ ਅਤੇ ਸਰਵੋਤਮ ਵਕਤਾ ਹਨ।
ਇਸ ਮਨਮੋਹਕ ਕਥਾ ਨੂੰ ਸੁਣਨ ਲਈ ਵੱਡੀ ਗਿਣਤੀ ਵਿਚ ਲੋਕ ਮੌਜੂਦ ਸਨ। ਇਸ ਮੌਕੇ ਵਿਧਾਇਕ ਬ੍ਰਹਮ ਸ਼ੰਕਰ (ਜਿਮਪਾ), ਮਾਂ ਸਨੇਹਮਈ ਅਮ੍ਰਿਤਾਨੰਦ, ਸਿੱਧੇਸ਼ਵਰ ਸ਼ਿਵ ਮੰਦਰ ਬੱਸੀ ਗੁਲਾਮ ਹੁਸੈਨ ਦੇ ਸਵਾਮੀ ਉਦਯਗਿਰੀ ਜੀ, ਭਾਜਪਾ ਨੇਤਾ ਤੀਕਸ਼ਣ ਸੂਦ, ਮਹਰਿਸ਼ੀ ਭ੍ਰਿਗੁਵੇਦ ਵਿਦਿਆਲੇ ਦੇ ਪ੍ਰਧਾਨ ਪੰਕਜ ਸੂਦ, ਸਰਵਧਰਮ ਸਭਾ ਦੇ ਸੰਯੋਜਕ ਅਨੁਰਾਗ ਸੂਦ, ਐਡਵੋਕੇਟ ਨਵਦੀਪ ਸੂਦ, ਸੂਦ ਸਭਾ ਦੇ ਪ੍ਰਧਾਨ ਅਰਵਿੰਦ ਸੂਦ, ਬਾਬਾ ਬਾਲਕ ਨਾਥ ਟਰਸਟ ਹੋਸ਼ਿਆਰਪੁਰ ਦੇ ਪ੍ਰਧਾਨ ਡਾ. ਹਰਸ਼ਵਿੰਦਰ ਸਿੰਘ ਪਠਾਨੀਆ, ਤਰੁਣ ਖੋਸਲਾ, ਮੁਕੇਸ਼ ਵਰਮਾ, ਕਮਲ ਵਰਮਾ, ਕ੍ਰਿਸ਼ਨ ਚੰਦ ਸ਼ਰਮਾ ਅਤੇ ਹੋਰ ਕਈ ਗਣਮਾਨਯ ਹਸਤੀਆਂ ਵਿਸ਼ੇਸ਼ ਤੌਰ ’ਤੇ ਹਾਜ਼ਰ ਸਨ।
ਕਥਾ ਤੋਂ ਬਾਅਦ ਸਭ ਲਈ ਲੰਗਰ ਦਾ ਪ੍ਰਬੰਧ ਕੀਤਾ ਗਿਆ।