ਜਲੰਧਰ- 79ਵੇਂ ਆਜ਼ਾਦੀ ਦਿਵਸ ਦੇ ਮੌਕੇ ਤੇ ਦਿਵ੍ਯ ਜ੍ਯੋਤੀ ਜਾਗ੍ਰਿਤੀ ਸੰਸਥਾਨ (DJJS) ਨੂੰ ਸਮਾਜ ਉਥਾਨ ਦੇ ਖੇਤਰ ਵਿੱਚ ਕੀਤੀਆਂ ਗਈਆਂ  ਸੇਵਾਵਾਂ ਲਈ ਜਲੰਧਰ ਦੇ ਡਿਪਟੀ ਕਮਿਸ਼ਨਰ **ਡਾ. ਹਿਮਾਂਸ਼ੂ ਅਗਰਵਾਲ, IAS** ਵੱਲੋਂ ਪ੍ਰਸ਼ੰਸਾ ਪੱਤਰ ਨਾਲ ਸਨਮਾਨਿਤ ਕੀਤਾ ਗਿਆ। ਇਹ ਸਨਮਾਨ ਜ਼ਿਲ੍ਹਾ ਪ੍ਰਸ਼ਾਸਨ ਕੰਪਲੈਕਸ ਵਿੱਚ ਆਯੋਜਿਤ ਇੱਕ ਅਧਿਕਾਰਕ ਸਮਾਰੋਹ ਦੌਰਾਨ ਪ੍ਰਦਾਨ ਕੀਤਾ ਗਿਆ, ਜਿਸ ਵਿੱਚ ਪ੍ਰਸ਼ਾਸਨਿਕ ਅਧਿਕਾਰੀ, ਸਮਾਜ ਸੇਵੀ ਅਤੇ ਸੰਸਥਾਨ ਵੱਲੋਂ ਸਵਾਮੀ ਸੱਜਨਾਨੰਦ ਜੀ ਸ਼ਾਮਲ ਹੋਏ।
ਡਿਪਟੀ ਕਮਿਸ਼ਨਰ ਡਾ. ਹਿਮਾਂਸ਼ੂ ਅਗਰਵਾਲ ਨੇ ਕਿਹਾ ਕਿ ਦਿਵ੍ਯ ਜ੍ਯੋਤੀ ਜਾਗ੍ਰਿਤੀ ਸੰਸਥਾਨ ਨੇ ਨਸ਼ਾ ਮੁਕਤੀ, ਮਹਿਲਾ ਸਸ਼ਕਤੀਕਰਨ, ਭਾਰਤੀ ਗਾਂਵਾਂ ਦੀ ਦੇਸੀ ਨਸਲ ਦਾ ਸੰਰੱਖਣ ਅਤੇ ਸੰਵਰਧਨ, ਵਾਤਾਵਰਣ ਸੰਭਾਲ, ਸ਼ਿਖਿਆ ਪ੍ਰਸਾਰ, ਆਫ਼ਤ ਰਾਹਤ ਅਤੇ ਨੈਤਿਕ ਮੁੱਲਾਂ ਦੇ ਪ੍ਰਚਾਰ ਵਿੱਚ ਲਗਾਤਾਰ, ਪ੍ਰਭਾਵਸ਼ਾਲੀ ਅਤੇ ਨਤੀਜਾ-ਕੇਂਦ੍ਰਿਤ ਯਤਨ ਕੀਤੇ ਹਨ। ਉਨ੍ਹਾਂ ਨੇ ਸੰਸਥਾਨ ਦੀ ਜ਼ਮੀਨੀ ਪਹੁੰਚ, ਸੇਵਾਦਾਰਾਂ ਦੀ ਵਚਨਬੱਧਤਾ ਅਤੇ ਕਾਰਜ ਯੋਜਨਾ ਦੀ ਵਿਸ਼ੇਸ਼ ਪ੍ਰਸ਼ੰਸਾ ਕੀਤੀ।
ਸੰਸਥਾਨ ਦੇ ਵਲੋਂ ਗੁਰੂਦੇਵ ਸ਼੍ਰੀ ਆਸ਼ੁਤੋਸ਼ ਮਹਾਰਾਜ ਜੀ ਦੇ ਸ਼ਿਸ਼ ਸਵਾਮੀ ਸੱਜਨਾਨੰਦ ਜੀ ਨੇ ਇਸ ਸਨਮਾਨ ਲਈ ਡਿਪਟੀ ਕਮਿਸ਼ਨਰ ਅਤੇ ਜ਼ਿਲ੍ਹਾ ਪ੍ਰਸ਼ਾਸਨ ਦਾ ਧੰਨਵਾਦ ਕੀਤਾ ਅਤੇ ਕਿਹਾ ਕਿ ਸਾਡੇ ਯਤਨ ਮਨੁੱਖੀ ਕਲਿਆਣ ਲਈ ‘ਸਸ਼ਕਤ, ਸਜਗ ਅਤੇ ਸੰਸਕਾਰਿਤ’ ਸਮਾਜ ਦੇ ਨਿਰਮਾਣ ਵੱਲ ਤੇਜ਼ੀ ਨਾਲ ਜਾਰੀ ਰਹਿਣਗੇ।
ਕਾਰਜਕ੍ਰਮ ਤੋਂ ਬਾਅਦ ਸੰਸਥਾਨ ਨੇ ਭਵਿੱਖ ਵਿੱਚ ਹੋਣ ਵਾਲੇ ਨਸ਼ਾ ਉਨਮੂਲਨ ਜਨਜਾਗਰਣ ਅਭਿਆਨ, ਰੁੱਖ ਲਗਾਉਣ ਅਤੇ ਗਰੀਬ ਬੱਚਿਆਂ ਦੀ ਸਿੱਖਿਆ ਅਤੇ ਵਿਦਿਆਰਥੀਆਂ ਲਈ ਵਿਅਕਤਿਤਵ ਵਿਕਾਸ ਵਰਕਸ਼ਾਪਾਂ ਅਤੇ ਮਹਿਲਾ ਸੁਰੱਖਿਆ ਤੇ ਸਿਹਤ ਜਾਗਰੂਕਤਾ ਸੈਸ਼ਨਾਂ ਦੀ ਲੜੀ ਦੀ ਯੋਜਨਾ ਵੀ ਸਾਂਝੀ ਕੀਤੀ।