ਮਾਹਿਲਪੁਰ,2 ਮਈ- ਜੀਵਨ ਜਾਗ੍ਰਿਤੀ ਮੰਚ ਰਜ਼ਿ. ਗੜਸ਼ੰਕਰ ਅਤੇ ਪੰਜਾਬ ਨੈਸ਼ਨਲ ਬੈਂਕ ਬਾੜੀਆਂ ਕਲਾਂ ਵੱਲੋ ਡੇਰਾ ਪ੍ਰੇਮਸਰ ਨਿਰਮਲ ਆਸ਼ਰਮ ਬਾੜੀਆਂ ਕਲਾਂ ਵਿਖੇ ਸਵ.ਸ੍ਰੀ ਸੁਰਿੰਦਰਪਾਲ ਸਿੰਘ ਸਹੋਤਾ ਦੀ ਨਿੱਘੀ ਯਾਦ ਨੂੰ ਸਮਰਪਿਤ 11ਵਾਂ ਸਵੈ ਇਛਕ ਖੂਨਦਾਨ ਕੈਂਪ 9 ਮਈ 2025 ਦਿਨ ਸ਼ੁਕਰਵਾਰ ਨੂੰ ਲਗਾਇਆ ਜਾ ਰਿਹਾ ਹੈ। 
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਬਿਕਰ ਸਿੰਘ ਪ੍ਰਧਾਨ ਜੀਵਨ ਜਾਗਰਤੀ ਮੰਚ ਰਜ਼ਿ. ਗੜਸ਼ੰਕਰ, ਸ੍ਰੀ ਵਿਜੇ ਲਾਲ ਮੈਨੇਜਰ ਪੰਜਾਬ ਨੈਸ਼ਨਲ ਬੈਂਕ ਬਾੜੀਆਂ ਕਲਾਂ, ਸਰਦਾਰ ਜਸਕੀਰਤ ਸਿੰਘ ਸਹੋਤਾ, ਸ੍ਰੀ ਅਭੀਸ਼ੇਕ ਕੁਮਾਰ ਧੀਮਾਨ, ਸ਼੍ਰੀ ਚੰਦਨ ਤੂਰ, ਸਰਦਾਰ ਪਰਮਜੀਤ ਸਿੰਘ ਅਤੇ ਸੰਤ ਬਾਬਾ ਪ੍ਰੀਤਮ ਸਿੰਘ ਜੀ ਨੇ ਸਾਂਝੇ ਤੌਰ ਤੇ ਦੱਸਿਆ ਕਿ ਡੇਰਾ ਪ੍ਰੇਮਸਰ ਨਿਰਮਲ ਆਸ਼ਰਮ ਸਾਹਮਣੇ ਪੰਜਾਬ ਨੈਸ਼ਨਲ ਬੈਂਕ ਬਾੜੀਆਂ ਕਲਾਂ ਵਿਖੇ ਇਹ ਕੈਂਪ 9 ਮਈ ਦਿਨ ਸ਼ੁਕਰਵਾਰ ਨੂੰ ਸਵੇਰੇ 10 ਵਜੇ ਤੋਂ ਦੁਪਹਿਰ 2 ਵਜੇ ਤੱਕ ਲਗਵਾਇਆ ਜਾ ਰਿਹਾ ਹੈ। 
ਇਸ ਕੈਂਪ ਵਿੱਚ ਤਕਨੀਕੀ ਸਹਿਯੋਗ ਬੀ.ਡੀ.ਸੀ. ਬਲੱਡ ਸੈਂਟਰ ਨਵਾਂਸ਼ਹਿਰ ਵੱਲੋਂ ਕੀਤਾ ਜਾ ਰਿਹਾ ਹੈ। ਇਸ ਕੈਂਪ ਵਿੱਚ ਯੂਨਾਈਟਡ ਪਾਈਪ ਐਂਡ ਪੇਵਰਸ ਇੰਡਸਟਰੀਜ ਪਿੰਡ ਬਾੜੀਆ ਕਲਾਂ ਵੱਲੋਂ ਵਿਸ਼ੇਸ਼ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।