18 ਅਪ੍ਰੈਲ ਨੂੰ ਸੈਕਟਰ - 69 'ਚ ਡਾ. ਅੰਬੇਡਕਰ ਵੈਲਫੇਅਰ ਮਿਸ਼ਨ, ਪੰਜਾਬ (ਰਜਿ.), ਮੋਹਾਲੀ ਵੱਲੋਂ ਬਾਬਾ ਸਾਹਿਬ ਡਾ. ਭੀਮ ਰਾਓ ਅੰਬੇਦਕਰ ਜੀ ਦੀ ਜੈਅੰਤੀ ਮਨਾਈ ਗਈ। ਇਸ ਵਿੱਚ ਸ਼ਹਿਰ ਦੇ ਪਤਵੰਤੇ ਨਾਗਰਿਕ, ਬੁੱਧੀਜੀਵੀਆਂ ਅਤੇ ਬੱਚਿਆਂ ਨੇ ਹਿੱਸਾ ਲਿਆ ਅਤੇ ਬਾਬਾ ਸਾਹਿਬ ਜੀ ਦੇ ਜੀਵਨ ਅਤੇ ਫਲਸਫੇ ਬਾਰੇ ਆਪਣੇ ਵਿਚਾਰ ਰੱਖੇ। 
ਸ੍ਰੀ ਕੁਲਵੰਤ ਸਰੰਗਲ ਆਈ.ਪੀ.ਐਸ. (ਰਿਟਾ.) ਇਸ ਸਮਾਗਮ ਦੇ ਮੁੱਖ ਮਹਿਮਾਨ ਸਨ ਇਸ ਮੌਕੇ ਬੋਲਦਿਆਂ ਉਹਨਾਂ ਸੰਵਿਧਾਨ ਦੇ ਨਿਰਮਾਤਾ ਬਾਬਾ ਸਾਹਿਬ ਜੀ ਦੀ ਸੰਘਰਸ਼ ਭਰੀ ਜਿੰਦਗੀ ਅਤੇ ਉਹਨਾਂ ਵੱਲੋਂ ਉਸ ਸਮੇਂ ਦੇ ਵੱਡੇ ਲੀਡਰਾਂ ਤੋਂ ਤਰਕ ਦੇ ਅਧਾਰ ਤੇ ਆਪਣੀਆ ਗੱਲਾਂ ਮਨਵਾਉਣ ਬਾਰੇ ਦੱਸਿਆ।
ਇਸ ਸ਼ੁਭ ਮੌਕੇ ਤੇ ਡਾ. ਅੰਬੇਦਕਰ ਵੈਲਫੇਅਰ ਮਿਸ਼ਨ ਪੰਜਾਬ, ਮੋਹਾਲੀ ਦੇ ਪ੍ਰਧਾਨ ਜਗਤਾਰ ਸਿੰਘ ਆਈ.ਆਰ.ਐਸ (ਰਿਟਾ.) ਨੇ ਆਏ ਹੋਏ ਮਹਿਮਾਨਾਂ ਦਾ ਧੰਨਵਾਦ ਕੀਤਾ। ਸੰਸਥਾ ਦੇ ਸਰਪ੍ਰਸਤ ਕੁਲਵੰਤ ਸਿੰਘ, ਪ੍ਰਿਥੀ ਚੰਦ ਆਈ.ਏ.ਐਸ ,(ਰਿਟਾ.) ਡਾ. ਧਰਮਪਾਲ  ਡੀ.ਐਚ.ਐਸ., ਪਿਰਥੀ ਲਾਲ, ਪਿਆਰੇ ਲਾਲ ਸੀਨੀਅਰ ਮੀਤ ਪ੍ਰਧਾਨ, ਸਿਕੰਦਰ ਸਿੰਘ,ਮੰਗਤ ਰਾਮ ਕਨਸੋਟੀਆ ,ਮੀਤ ਪ੍ਰਧਾਨ ,  ਬਲਬੀਰ ਸਿੰਘ ਜਨਰਲ ਸਕੱਤਰ,  ਹਰੀ ਰਾਮ ਫਾਈਨਸ ਸੈਕਟਰੀ, ਅਤੇ ਹੋਰ ਸੰਸਥਾ ਦੇ ਮੈਂਬਰ ਵੀ ਹਾਜ਼ਰ ਸਨ।