ਹੁਸ਼ਿਆਰਪੁਰ- ਸ਼੍ਰੀ ਰਾਮਲੀਲਾ ਕਮੇਟੀ ਵੱਲੋਂ ਕਰਵਾਏ ਜਾ ਰਹੇ ਉੱਤਰੀ ਭਾਰਤ ਦੇ ਦੂਜੇ ਪ੍ਰਸਿੱਧ ਦਸ਼ਹਿਰਾ ਮਹਾਂਉਤਸਵ ਦੌਰਾਨ ਸ਼੍ਰੀ ਰਾਮਲੀਲਾ ਦੇ ਮੰਚਨ ਵਿੱਚ ਉਹ  ਗਿਆ ਜਿਥੇ ਰਾਜਾ ਦਸ਼ਰਥ ਨੇ ਭਗਵਾਨ ਰਾਮ ਨੂੰ ਵਨਵਾਸ ਦੇਣ ਦਾ ਹੁਕਮ ਸੁਣਾਇਆ।ਮੰਚਨ ਵਿੱਚ ਦਰਸਾਇਆ ਗਿਆ ਕਿ ਮੰਥਰਾ ਵੱਲੋਂ ਕੈਕੇਈ ਨੂੰ ਭੜਕਾਏ ਜਾਣ ਤੋਂ ਬਾਅਦ ਉਸਨੇ ਰਾਜਾ ਦਸ਼ਰਥ ਤੋਂ ਦੋ ਵਚਨ ਮੰਗੇ, ਜਿਨ੍ਹਾਂ ਵਿੱਚੋਂ ਇੱਕ ਭਗਵਾਨ ਰਾਮ ਲਈ ਵਨਵਾਸ ਤੇ ਦੂਜਾ ਭਰਤ ਲਈ ਰਾਜ ਦੀ ਮੰਗ ਸੀ। 
ਇਹ ਸੁਣ ਕੇ ਰਾਜਾ ਦਸ਼ਰਥ ਨੇ ਕੈਕੇਈ ਨੂੰ ਸਮਝਾਉਣ ਦੀ ਕੋਸ਼ਿਸ਼ ਕੀਤੀ ਕਿ ਉਹ ਅਜਿਹਾ ਅਨਰਥ ਨਾ ਕਰੇ, ਪਰ ਕੈਕੇਈ ਆਪਣੀ ਜ਼ਿੱਦ 'ਤੇ ਅੱਡੀ ਰਹੀ। ਉਸਦੀ ਮੰਗ ਸੁਣਦੇ ਹੀ ਰਾਜਾ ਦਸ਼ਰਥ ਮਾਤਾ ਧਰਤੀ ਤੇ ਡਿੱਗ ਪਏ। ਅਗਲੇ ਦਿਨ ਜਦੋਂ ਭਗਵਾਨ ਰਾਮ ਦਾ ਰਾਜਾਭਿਸੇਕ ਸਮਾਰੋਹ ਮਨਾਇਆ ਜਾਣਾ ਸੀ, ਉਸ ਸਮੇਂ ਸਾਰਾ ਅਯੋਧਿਆ ਨਗਰੀ ਖੁਸ਼ੀ ਵਿੱਚ ਡੁੱਬੀ ਹੋਈ ਸੀ। 
ਪਰ ਜਿਵੇਂ ਹੀ ਇਹ ਖ਼ਬਰ ਫੈਲੀ ਕਿ ਰਾਜਾ ਦਸ਼ਰਥ ਨੇ ਰਾਮ ਨੂੰ ਵਨਵਾਸ ਦੇਣ ਦਾ ਹੁਕਮ ਦੇ ਦਿੱਤਾ ਹੈ ਤਾਂ ਖੁਸ਼ੀਆਂ ਗਮੀ ਵਿੱਚ ਤਬਦੀਲ ਹੋ ਗਈਆਂ। ਰਾਜਾ ਦਾ ਹੁਕਮ ਸੁਣ ਕੇ ਭਗਵਾਨ ਰਾਮ ਨੇ ਰਾਜਪਾਟ ਛੱਡ ਵਨਵਾਸ ਲਈ ਤਿਆਰੀ ਸ਼ੁਰੂ ਕਰ ਦਿੱਤੀ ਅਤੇ ਉਨ੍ਹਾਂ ਦੇ ਚਿਹਰੇ 'ਤੇ ਜਰਾ ਭੀ ਦੁਖ ਨਹੀਂ ਸੀ। ਉਹ ਸਹਜ ਭਾਵ ਨਾਲ ਪਿਤਾ ਦੇ ਹੁਕਮ ਨੂੰ ਸਵੀਕਾਰ ਕਰ ਲੈਂਦੇ ਹਨ।ਸ਼੍ਰੀ ਰਾਮਲੀਲਾ ਦੇ ਇਸ ਮੰਜ਼ਰ ਦੀ ਪੇਸ਼ਕਾਰੀ ਤੋਂ ਬਾਅਦ ਭਗਵਾਨ ਦੀ ਆਰਤੀ ਕੀਤੀ ਗਈ ਅਤੇ ਆਏ ਹੋਏ ਗਣਮਾਨਿਆਂ ਨੂੰ ਸਨਮਾਨਿਤ ਕੀਤਾ ਗਿਆ। 
ਇਸ ਮੌਕੇ 'ਤੇ ਪ੍ਰਧਾਨ ਗੋਪੀ ਚੰਦ ਕਪੂਰ, ਚੇਅਰਮੈਨ ਸ਼ਿਵ ਸੂਦ, ਪ੍ਰਦੀਪ ਹਾਂਡਾ, ਸੰਜੀਵ ਐਰੀ, ਰਾਕੇਸ਼ ਸੂਰੀ, ਕਮਲ ਵਰਮਾ, ਹਰੀਸ਼ ਆਨੰਦ, ਤਰਸੇਮ ਮੋਦਗਿਲ, ਰਮੇਸ਼ ਅਗਰਵਾਲ, ਰਾਜਿੰਦਰ ਮੋਦਗਿਲ, ਅਸ਼ਵਿਨੀ ਛੋਟਾ, ਪਵਨ ਸ਼ਰਮਾ, ਵਿਕਾਸ ਕੌਸ਼ਲ, ਦਿਨਕਰ ਕਪਿਲਾ, ਕੁਣਾਲ ਚਤੁਰਥ, ਵਰੁਣ ਕੈਂਥ, ਕਪਿਲ ਹਾਂਡਾ, ਅਜੈ ਜੈਨ, ਸ਼ਿਵ ਜੈਨ ਸਮੇਤ ਵੱਡੀ ਗਿਣਤੀ ਵਿੱਚ ਸ਼ਰਧਾਲੂ ਹਾਜ਼ਰ ਸਨ।