ਚੰਡੀਗੜ੍ਹ, 19 ਸਤੰਬਰ-ਹਰਿਆਣਾ ਦੇ ਮੁੱਖ ਮੰਤਰੀ ਸ੍ਰੀ ਨਾਇਬ ਸਿੰਘ ਸੈਣੀ ਨੇ ਕਿਹਾ ਕਿ ਹਰਿਆਣਾ ਸਰਕਾਰ ਸੂਬੇ ਵਿੱਚ ਸਿਹਤ ਸਹੂਲਤਾਂ ਨੂੰ ਆਧੁਨਿਕ ਬਨਾਉਣ, ਸਵੈੱਛਿਕ ਖੂਨਦਾਨ ਨੂੰ ਵਾਧਾ ਦੇਣ ਅਤੇ ਬੱਲਡ ਬੈਂਕ ਸੇਵਾਵਾਂ ਦੀ ਗੁਣਵੱਤਾ ਯਕੀਨੀ ਕਰਨ ਲਈ ਲਗਾਤਾਰ ਕੰਮ ਕਰ ਰਹੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਸਰਕਾਰ ਇਹ ਵੀ ਯਕੀਨੀ ਕਰ ਰਹੀ ਹੈ ਕਿ ਹਰਿਆਣਾ ਵਿੱਚ ਬੱਲਡ ਟ੍ਰਾਂਸਫਯੂਜਨ ਸੇਵਾਵਾਂ ਦਾ ਉੱਚਤਮ ਮਾਨਕ ਬਣਾ ਰਹੇ ਹਨ ਅਤੇ ਹਰੇਕ ਨਾਗਰਿਕ ਨੂੰ ਸਮੇ ਸਿਰ ਸੁਰੱਖਿਅਤ ਖੂਨ ਮੁਹੱਈਆ ਹੋ ਸਕੇ।
ਮੁੱਖ ਮੰਤਰੀ ਸ਼ੁੱਕਰਵਾਰ ਨੂੰ ਗੁਰੂਗ੍ਰਾਮ ਵਿੱਚ ਆਯੋਜਿਤ ਇੰਡਿਅਨ ਸੋਸਾਇਟੀ ਆਫ਼ ਬੱਲਡ ਟ੍ਰਾਂਸਫਯੂਜਨ ਐਂਡ ਇੰਯੂਨੋ ਹੇਮੇਟੋਲਾਜੀ ਦੇ 50ਵੇਂ ਸਾਲਾਨਾ ਕੌਮੀ ਸੰਮੇਲਨ, ਸੁਨਹਿਰੀ ਜੈਯੰਤੀ ਟ੍ਰਾਂਸਕਾਨ 2025 ਦੇ ਉਦਘਾਟਨ ਪ੍ਰੋਗਰਾਮ ਨੂੰ ਬਤੌਰ ਮੁੱਖ ਮਹਿਮਾਨ ਸੰਬੋਧਿਤ ਕਰ ਰਹੇ ਸਨ। ਪ੍ਰੋਗਰਾਮ ਵਿੱਚ ਸਹਿਕਾਰਤਾ, ਵਿਰਾਸਤ ਅਤੇ ਸੈਰ-ਸਪਾਟਾ ਮੰਤਰੀ ਡਾ. ਅਰਵਿੰਦ ਕੁਮਾਰ ਸ਼ਰਮਾ, ਪਟੌਦੀ ਦੀ ਵਿਧਾਇਕ ਸ੍ਰੀਮਤੀ ਬਿਮਲਾ ਚੌਧਰੀ, ਸੋਹਨਾ ਦੇ ਵਿਧਾਇਕ ਸ੍ਰੀ ਤੇਜਪਾਲ ਤੰਵਰ ਅਤੇ ਗੁਰੂਗ੍ਰਾਮ ਦੇ ਵਿਧਾਇਕ ਸ੍ਰੀ ਮੁਕੇਸ਼ ਸ਼ਰਮਾ ਵੀ ਮੌਜ਼ੂਦ ਰਹੇ।

ਸਵੈੱਛਿਕ ਖੂਨਦਾਨ ਦੇ ਖੇਤਰ ਵਿੱਚ ਹਰਿਆਣਾ ਬਣਾ ਰਿਹਾ ਆਪਣੀ ਵੱਖ ਪਛਾਣ
ਮੁੱਖ ਮੰਤਰੀ ਨੇ ਪ੍ਰੋਗਰਾਮ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਮੌਜ਼ੂਦਾ ਵਿੱਚ ਹਰਿਆਣਾ ਵਿੱਚ ਕੁੱਲ੍ਹ 149 ਬੱਲਡ ਸੇਂਟਰ ਕੰਮ ਕਰ ਰਹੇ ਹਨ ਜਿਨ੍ਹਾਂ ਰਾਹੀਂ ਇਸ ਸਾਲ 3 ਲੱਖ 30 ਹਜ਼ਾਰ ਯੂਨਿਟਸ ਬੱਲਡ ਇੱਕਠਾ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਨਿਰਧਾਰਿਤ ਟੀਚਿਆਂ ਤਹਿਤ ਹੁਣ ਤੱਕ 2 ਲੱਖ 22 ਹਜ਼ਾਰ 433 ਯੂਨਿਟ ਬੱਲਡ ਇੱਕਠਾ ਕੀਤਾ ਜਾ ਚੁੱਕਾ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਹਰਿਆਣਾ ਸੈਨਿਕਾਂ, ਕਿਸਾਨਾਂ ਅਤੇ ਯੁਵਾਵਾਂ ਦੀ ਭੂਮੀ ਹੈ।

ਪਿਛਲੇ 11 ਸਾਲਾਂ ਵਿੱਚ ਹਰਿਆਣਾ ਸੂਬੇ ਨੇ ਸਿਹਤ ਖੇਤਰ ਵਿੱਚ ਦਰਜ ਕੀਤੇ ਵੱਡੇ ਸੁਧਾਰ
ਮੁੱਖ ਮੰਰਤੀ ਨੇ ਕਿਹਾ ਕਿ ਹਰਿਆਣਾ ਵਿੱਚ ਸਿਹਤ ਸੇਵਾਵਾਂ ਦਾ ਪੱਧਰ ਲਗਾਤਾਰ ਬੇਹਤਰ ਹੋ ਰਿਹਾ ਹੈ। ਪਿਛਲੇ 11 ਸਾਲਾਂ ਵਿੱਚ ਸੂਬੇ ਨੇ ਸਿਹਤ ਖੇਤਰ ਵਿੱਚ ਵੱਡੇ ਸੁਧਾਰ ਦਰਜ ਕੀਤੇ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਜਿੱਥੇ ਪਹਿਲੇ 30 ਬੇਡ ਦੇ ਹੱਸਪਤਾਲ ਹੋਇਆ ਕਰਦੇ ਸਨ ਜਿੱਥੇ ਹੁਣ 100 ਬੇਡ ਦੀ ਸਹੂਲਤ ਮੁਹੱਈਆ ਹੈ। ਇਸੇ ਤਰਾਂ੍ਹ 100 ਬੇਡ ਵਾਲੇ ਹੱਸਪਤਾਲਾਂ ਨੂੰ 200 ਅਤੇ 200 ਬੇਡ ਵਾਲੇ ਹੱਸਪਤਾਲਾਂ ਨੂੰ 400 ਬੇਡ ਤੱਕ ਵਿਸਥਾਰ ਦਿੱਤਾ ਗਿਆ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਸਰਕਾਰ ਧਰਾਤਲ 'ਤੇ ਗੰਭੀਰਤਾ ਨਾਲ ਕੰਮ ਕਰ ਰਹੀ ਹੈ ਤਾਂ ਜੋ ਸੂਬੇ ਦੇ ਹਰ ਨਾਗਰਿਕ ਨੂੰ ਗੁਣਵੱਤਾ ਸਿਹਤ ਸੇਵਾਵਾਂ ਮਿਲ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਸਾਲ 2014 ਵਿੱਚ ਜਿੱਥੇ ਹਰਿਆਣਾ ਵਿੱਚ ਹਰ ਸਾਲ 700 ਡਾਕਟਰ ਹੀ ਤਿਆਰ ਹੁੰਦੇ ਸਨ ਉਥੇ ਅੱਜ ਇਹ ਗਿਣਤੀ ਵੱਧ ਕੇ 2600 ਹਰ ਸਾਲ ਹੋ ਗਈ ਹੈ।  ਸਰਕਾਰ ਦਾ ਟੀਚਾ ਇਸ ਗਿਣਤੀ ਨੂੰ ਵਧਾ ਕੇ ਸਾਲ 2029 ਤੱਕ 3400 ਸੀਟਾਂ ਹਰ ਸਾਲ ਪਹੁੰਚਾਉਣ ਦਾ ਹੈ।
ਮੁੱਖ ਮੰਤਰੀ ਨੇ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਫਿਟ ਇੰਡਿਆ-ਹਿਟ ਇੰਡਿਆ ਨਾਰੇ ਦਾ ਵਰਨਣ ਕਰਦੇ ਹੋਏ ਕਿਹਾ ਕਿ ਅੱਜ ਹਰਿਆਣਾ ਇਸੇ ਸੰਕਲਪ ਨਾਲ ਅੱਗੇ ਵੱਧ ਰਿਹਾ ਹੈ।

ਆਈਐਚ ਅਤੇ ਬੱਲਡ ਦੋਹਾਂ ਦੀ ਸਮਾਜ ਵਿੱਚ ਮਹੱਤਵਪੂਰਨ ਭੂਮਿਕਾ
ਮੁੱਖ ਮੰਤਰੀ ਨੇ ਕਿਹਾ ਕਿ ਸਮੇ ਦੀ ਮੰਗ ਦੇ ਅਨੁਸਾਰ ਸਾਨੂੰ ਨੇਕਸਟ ਜਨਰੇਸ਼ਨ ਬੱਲਡ ਟੇਸਟਿੰਗ, ਆਰਟਿਫਿਸ਼ਿਅਲ ਇੰਟੇਲਿਜੇਂਸ ਅਧਾਰਿਤ ਖੂਨ ਮਿਲਾਨ ਅਤੇ ਆਰਟੀਫਿਸ਼ਿਅਲ ਬੱਲਡ ਜਿਹੀ ਖੋਜਾਂ ਨੂੰ ਪ੍ਰੋਤਸਾਹਨ ਕਰਨਾ ਚਾਹੀਦਾ ਹੈ। ਨਾਲ ਹੀ ਆਈਐਚ ਅਤੇ ਬੱਲਡ ਟ੍ਰਾਂਸਫਯੂਜਨ ਨਾਲ ਜੁੜੇ ਤਕਨੀਸ਼ਨਾਂ ਅਤੇ ਡਾਕਟਰਾ ਨੂੰ ਉੱਚ ਗੁਣਵੱਤਾ ਦੀ ਟ੍ਰੇਨਿੰਗ ਮੁਹੱਈਆ ਕਰਾਉਣ ਦੀ ਲੋੜ ਹੈ।
ਮੁੱਖ ਮੰਤਰੀ ਨੇ ਕਿਹਾ ਕਿ ਆਈਐਚ ਅਤੇ ਬੱਲਡ ਬੈਂਕ ਸਿਹਤ ਖੇਤਰ ਦੀ ਰੀਢ ਹੈ। ਇਨਾਂ੍ਹ ਰਾਹੀਂ ਲੱਖਾਂ ਲੋਕਾਂ ਦੀ ਜਾਨ ਬਚਾਈ ਜਾ ਸਕਦੀ ਹੈ। ਜੇਕਰ ਸਰਕਾਰ ਸਿਹਤ ਸੰਗਠਨਾਂ ਅਤੇ ਸਮਾਜ ਦਾ ਸਾਮੂਹਿਕ ਸਹਿਯੋਗ ਮਿਲੇ ਤਾਂ ਆਉਣ ਵਾਲੇ ਸਮੇ ਵਿੱਚ ਇਹ ਖੇਤਰ ਹੋਰ ਸੁਰੱਖਿਅਤ ਅਤੇ ਪ੍ਰਭਾਵੀ ਬਣ ਸਕਦਾ ਹੈ।

ਗੋ ਗ੍ਰੀਨ ਪਹਿਲ ਤਹਿਤ ਹਰਿਆਣਾ ਸਰਕਾਰ  ਵਾਤਾਵਰਨ ਸਰੰਖਣ ਲਈ ਪੂਰੀ ਤਰ੍ਹਾਂ ਪ੍ਰਤੀਬੱਧ
ਮੁੱਖ ਮੰਤਰੀ ਨੇ ਟ੍ਰਾਂਸਕਾਨ ਦੀ ਗੋ ਗ੍ਰੀਨ ਪਹਿਲ ਦਾ ਵਰਨਣ ਕਰਦੇ ਹੋਏ ਕਿਹਾ ਕਿ ਹਰਿਆਣਾ ਸਰਕਾਰ ਵਾਤਾਵਰਣ ਸਰੰਖਣ ਲਈ ਪੂਰੀ ਤਰ੍ਹਾਂ ਪ੍ਰਤੀਬੱਧ ਹੈ। ਇਸੇ ਦਿਸ਼ਾ ਵਿੱਚ ਸੂਬੇ ਵਿੱਚ ਇੱਕ ਰੁੱਖ ਮਾਂ ਦੇ ਨਾਮ ਮੁਹਿੰਮ ਚਲਾਈ ਜਾ ਰਹੀ ਹੈ। ਇਸ ਮੁਹਿੰਮ ਦਾ ਟੀਚਾ ਹਰਿਆਣਾ ਦੇ ਹਰ ਕੋਨੇ ਨੂੰ ਹਰਾ-ਭਰਾ ਬਣਾਇਆ ਜਾ ਸਕੇ। ਮੁੱਖ ਮੰਤਰੀ ਨੇ ਕਿਹਾ ਕਿ ਅਕਤੂਬਰ 2014 ਤੋਂ ਹੁਣ ਤੱਕ 18 ਕਰੋੜ ਪੌਧੇ ਲਗਾਏ ਜਾ ਚੁੱਕੇ ਹਨ ਜੋ ਵਾਤਾਵਰਨ ਸਰੰਖਣ ਪ੍ਰਤੀ ਹਰਿਆਣਾ ਦੀ ਗੰਭੀਰਤਾ ਅਤੇ ਸੰਕਲਪ ਦਾ ਪ੍ਰਤੀਕ ਹੈ। ਮੁੱਖ ਮੰਤਰੀ ਨੇ ਇਸ ਮੌਕੇ 'ਤੇ ਸਿਹਤ ਖੇਤਰ ਵਿੱਚ ਸ਼ਾਨਦਾਰ ਕੰਮ ਕਰਨ ਵਾਲੇ ਡਾਕਟਰਾਂ ਨੂੰ ਸਨਮਾਨਿਤ ਵੀ ਕੀਤਾ।
ਸੇਵਾ ਪੱਖਵਾੜੇ ਤਹਿਤ ਸੂਬੇਭਰ ਵਿੱਚ ਖੂਨਦਾਨ ਲਈ ਵਿਖ ਰਿਹਾ ਉਤਸਾਹ ਦਾ ਭਾਵ- ਡਾ. ਅਰਵਿੰਦ ਸ਼ਰਮਾ
ਸਹਿਕਾਰਤਾ ਮੰਤਰੀ ਡਾ. ਅਰਵਿੰਦ ਸ਼ਰਮਾ ਨੇ ਕਿਹਾ ਕਿ ਪ੍ਰਧਾਨ ਮੰਤਰੀ ਸ੍ਰੀ ਨਰੇਂਦਰ ਮੋਦੀ ਦੇ ਜਨਮਦਿਨ 'ਤੇ ਸ਼ੁਰੂ ਹੋਏ ਸੇਵਾ ਪੱਖਵਾੜੇ ਤਹਿਤ ਸੂਬੇਭਰ ਵਿੱਚ ਖੂਨਦਾਨ ਲਈ ਉਤਸਾਹ ਵੇਖਿਆ ਜਾ ਰਿਹਾ ਹੈ। ਉਨ੍ਹਾਂ ਨੇ  ਕਿਹਾ ਕਿ ਮੁੱਖ ਮੰਰਤੀ ਸ੍ਰੀ ਨਾਇਬ ਸਿੰਘ ਸੈਣੀ ਦੀ ਅਗਵਾਈ ਹੇਠ ਹਰਿਆਣਾ ਸਰਕਾਰ ਸਿਤਹ ਸੇਵਾਵਾਂ ਨੂੰ ਲਗਾਤਾਰ ਮਜਬੂਤ ਬਣਾ ਰਹੀ ਹੈ।
ਡਾ. ਅਰਵਿੰਦ ਸ਼ਰਮਾ ਨੇ ਕਿਹਾ ਕਿ ਸੂਬਾ ਸਰਕਾਰ ਸਿਰਫ਼ ਐਲਾਨ ਤੱਕ ਸੀਮਤ ਨਹੀਂ ਰਹਿੰਦੀ ਸਗੋਂ ਸੰਕਲਪਾਂ ਨੂੰ ਧਰਾਤਲ 'ਤੇ ਉਤਾਰ ਕੇ ਪੂਰਾ ਕਰਦੀ ਹੈ। ਅੱਜ ਸੂਬੇ ਦੇ 45 ਲੱਖ ਪਰਿਵਾਰ ਆਯੁਸ਼ਮਾਨ ਯੋਜਨਾ ਦਾ ਲਾਭ ਚੁੱਕ ਰਹੇ ਹਨ। ਨਾਲ ਹੀ ਸਰਕਾਰ ਨੇ ਇੱਕ ਕਦਮ ਹੋਰ ਅੱਗੇ ਵੱਧਦੇ ਹੋਏ 70 ਸਾਲ ਤੋਂ ਵੱਧ ਉਮਰ ਦੇ ਬੁਜੁਰਗਾਂ ਨੂੰ ਵੀ ਚਿਰਾਯੁ ਯੋਜਨਾ ਤਹਿਤ ਆਯੁਸ਼ਮਾਨ ਯੋਜਨਾ ਨਾਲ ਜੋੜਿਆ ਹੈ ਜਿਸ ਨਾਲ ਯੋਗ ਲਾਭਾਰਥਿਆਂ ਨੂੰ ਵੱਡੀ ਰਾਹਤ ਮਿਲੀ ਹੈ।
ਇਸ ਮੌਕੇ 'ਤੇ ਡਿਪਟੀ ਅਜੈ ਕੁਮਾਰ, ਟ੍ਰਾਂਸਕਾਨ ਦੀ ਚੇਅਰਪਰਸਨ ਡਾ. ਸੰਗੀਤਾ ਪਾਠਕ ਸਮੇਤ ਹੋਰ ਮਾਣਯੋਗ ਵਿਅਕਤੀ ਮੌਜ਼ੂਦ ਰਹੇ।