ਹੁਸ਼ਿਆਰਪੁਰ- ਦਿਵ੍ਯ ਜੋਤੀ ਜਾਗਰਿਤੀ ਸੰਸਥਾਨ ਵੱਲੋਂ ਅੰਤਰਰਾਸ਼ਟਰੀ ਯੋਗ ਦਿਵਸ ਦੇ ਉਪਲੱਖ ਵਿੱਚ ਸੰਸਥਾਨ ਦੇ ਸਥਾਨਕ ਆਸ਼ਰਮ ਗੌਤਮ ਨਗਰ, ਹੁਸ਼ਿਆਰਪੁਰ ਵਿੱਚ ਇੱਕ ਦਿਵਸੀ ਯੋਗ ਸ਼ਿਵਿਰ ਦਾ ਆਯੋਜਨ ਕੀਤਾ ਗਿਆ। ਇਸ ਯੋਗ ਸ਼ਿਵਿਰ ਵਿੱਚ ਸ਼੍ਰੀ ਆਸ਼ੁਤੋਸ਼ ਮਹਾਰਾਜ ਜੀ ਦੀ ਸ਼ਿਸ਼ਿਆ ਸਾਧਵੀ ਰੇਣੁ ਭਾਰਤੀ ਜੀ ਅਤੇ ਸਾਧਵੀ ਰਣੇ ਭਾਰਤੀ ਜੀ ਨੇ ਸਾਰੇ ਮਜੂਦ ਯੋਗ ਅਭਿਆਸਿਆਂ ਨੂੰ ਵਰੱਖਆਸਨ, ਤਾੜਆਸਨ, ਅਰਧਚੰਦਰਆਸਨ ਆਦਿ ਯੋਗਿਕ ਕ੍ਰਿਆਵਾਂ ਅਤੇ ਪ੍ਰਾਣਾਯਾਮ ਕਰਵਾਉਂਦੇ ਹੋਏ ਸਹੀ ਆਹਾਰ ਬਾਰੇ ਸਮਝਾਇਆ।
 ਸਾਧਵੀ ਜੀ ਨੇ ਦੱਸਿਆ ਕਿ 'ਜੈਸਾ ਅੰਨ ਵੈਸਾ ਮਨ' ਇਹ ਕਹਾਵਤ ਸਾਡੇ ਜੀਵਨ ਦੇ ਇੱਕ ਬਹੁਤ ਹੀ ਮਹੱਤਵਪੂਰਨ ਸੱਚ ਨੂੰ ਦਰਸਾਉਂਦੀ ਹੈ। ਇਸ ਦਾ ਸਿੱਧਾ ਅਰਥ ਇਹ ਹੈ ਕਿ ਜਿਹੋ ਜਿਹਾ ਭੋਜਨ ਅਸੀਂ ਕਰਦੇ ਹਾਂ, ਓਹੋ ਜਿਹਾ ਸਾਡਾ ਮਨ ਅਤੇ ਵਿਚਾਰ ਬਣ ਜਾਂਦੇ ਹਨ।  ਇਹ ਸਿਰਫ ਸਰੀਰਕ ਸਿਹਤ ਦੀ ਗੱਲ ਨਹੀਂ, ਸਗੋਂ ਮਾਨਸਿਕ ਤੰਦਰੁਸਤੀ ਨਾਲ ਵੀ ਜੁੜੀ ਹੋਈ ਗੱਲ ਹੈ। 
ਸਾਡਾ ਸਰੀਰ ਅਤੇ ਮਨ ਤੰਦਰੁਸਤ ਰਹੇ, ਇਸ ਲਈ ਪੋਸ਼ਟਿਕ ਅਤੇ ਸਾਤਵਿਕ ਭੋਜਨ ਬਹੁਤ ਜ਼ਰੂਰੀ ਹੈ। ਜਦੋਂ ਅਸੀਂ ਤਾਜ਼ਾ, ਪੋਸ਼ਟਿਕ ਅਤੇ ਪਚਣਯੋਗ ਭੋਜਨ ਕਰਦੇ ਹਾਂ, ਤਾਂ ਸਾਡਾ ਸਰੀਰ ਊਰਜਾਵਾਨ ਮਹਿਸੂਸ ਕਰਦਾ ਹੈ ਅਤੇ ਮਨ ਸ਼ਾਂਤ, ਸਕਾਰਾਤਮਕ ਤੇ ਏਕਾਗ੍ਰ ਬਣਦਾ ਹੈ। ਐਸਾ ਆਹਾਰ ਨਾ ਸਿਰਫ ਸਰੀਰਕ ਤਾਕਤ ਦਿੰਦਾ ਹੈ, ਸਗੋਂ ਇਹ ਸਾਡੇ ਵਿਚਾਰਾਂ ਵਿੱਚ ਵੀ ਸਾਦਗੀ ਅਤੇ ਰਚਨਾਤਮਕਤਾ ਲਿਆਉਂਦਾ ਹੈ।
ਇਸਦੇ ਉਲਟ, ਜੇਕਰ ਅਸੀਂ ਅਣਤੰਦਰੁਸਤ, ਬੇਕਾਰ, ਜ਼ਿਆਦਾ ਮਸਾਲੇਦਾਰ ਜਾਂ ਤਾਮਸਿਕ ਭੋਜਨ ਜਿਵੇਂ ਕਿ ਫਾਸਟ ਫੂਡ, ਜ਼ਿਆਦਾ ਤੇਲ-ਮਸਾਲੇ ਵਾਲੇ ਭੋਜਨ ਦਾ ਸੇਵਨ ਕਰਦੇ ਹਾਂ, ਤਾਂ ਇਸਦਾ ਨਕਾਰਾਤਮਕ ਅਸਰ ਸਾਡੇ ਮਨ ਤੇ ਵੀ ਪੈਂਦਾ ਹੈ। ਐਸਾ ਭੋਜਨ ਸਰੀਰ ਵਿੱਚ ਆਲਸ, ਭਾਰੀਪਨ ਅਤੇ ਸੁਸਤੀ ਪੈਦਾ ਕਰਦਾ ਹੈ। ਅਧਿਐਨ ਵੀ ਇਹ ਸਾਬਤ ਕਰ ਚੁੱਕੇ ਹਨ ਕਿ ਅਣਹੈਲਥੀ ਡਾਇਟ ਦਾ ਸਬੰਧ ਡਿਪ੍ਰੈਸ਼ਨ ਅਤੇ ਐਂਜ਼ਾਇਟੀ ਵਰਗੀਆਂ ਮਾਨਸਿਕ ਸਮੱਸਿਆਵਾਂ ਨਾਲ ਹੁੰਦਾ ਹੈ। 
ਅਖੀਰਕਾਰ, "ਜੈਸਾ ਅੰਨ ਵੈਸਾ ਮਨ" ਸਾਨੂੰ ਇਹ ਸਿਖਾਉਂਦੀ ਹੈ ਕਿ ਤੰਦਰੁਸਤ ਅਤੇ ਖੁਸ਼ਹਾਲ ਜੀਵਨ ਜੀਉਣ ਲਈ ਸਾਨੂੰ ਆਪਣੇ ਭੋਜਨ ਨੂੰ ਸਿਰਫ ਪੇਟ ਭਰਨ ਦਾ ਸਾਧਨ ਨਹੀਂ, ਬਲਕਿ ਆਪਣੇ ਸਰੀਰ ਅਤੇ ਮਨ ਦੇ ਪੋਸ਼ਣ ਦਾ ਆਧਾਰ ਸਮਝਣਾ ਚਾਹੀਦਾ ਹੈ। ਪੋਸ਼ਟਿਕ ਅਤੇ ਸਾਤਵਿਕ ਆਹਾਰ ਅਪਣਾ ਕੇ ਅਸੀਂ ਨਾ ਕੇਵਲ ਸਰੀਰਕ ਤੌਰ 'ਤੇ ਤੰਦਰੁਸਤ ਰਹਿ ਸਕਦੇ ਹਾਂ, ਬਲਕਿ ਇਕ ਸ਼ਾਂਤ, ਸਕਾਰਾਤਮਕ ਅਤੇ ਸਮ੍ਰਿਧ ਮਨ ਵੀ ਪ੍ਰਾਪਤ ਕਰ ਸਕਦੇ ਹਾਂ