ਪਟਿਆਲਾ- ਗ੍ਰੀਨਲੈਂਡ ਪਬਲਿਕ ਸਕੂਲ ਪਟਿਆਲਾ ਦੀ ਸਰਬਜੀਤ ਕੌਰ ਨੇ ਦਸਵੀਂ ਦੇ ਨਤੀਜਿਆਂ ਵਿੱਚ 96.62 ਪ੍ਰਤੀਸ਼ਤ ਨੰਬਰ ਲੈਕੇ,ਪੰਜਾਬ ਸਕੂਲ ਸਿੱਖਿਆ ਬੋਰਡ ਦੀ ਮੇਰਿਟ ਸੂਚੀ ਵਿੱਚ ਆਕੇ ਆਪਣੇ ਸਕੂਲ, ਅਤੇ ਮਾਪਿਆਂ ਦਾ ਸਨਮਾਨ ਵਧਾਇਆ। ਸਰਬਜੀਤ ਕੌਰ ਅਤੇ ਸਾਰੇ ਵਿਦਿਆਰਥੀਆਂ ਨੇ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਚੰਗੀਆਂ ਇਮਾਰਤਾਂ ਨਹੀਂ ਸਗੋਂ ਚੰਗੇ ਗਿਆਨਵਾਨ ਵਿਦਵਾਨ ਮਹਿਨਤੀ ਅਧਿਆਪਕਾਂ ਦੀ ਸਿਖਿਆ ਪੜ੍ਹਾਉਣ ਅਤੇ ਸਮਝਾਉਣ ਦੇ ਢੰਗ ਤਰੀਕਿਆ ਅਤੇ ਮਾਪਿਆਂ ਦੇ ਸਹਿਯੋਗ ਅਸ਼ੀਰਵਾਦ ਨਾਲ ਵਿਦਿਆਰਥੀਆਂ ਦੇ ਭਵਿੱਖ ਉੱਜਵਲ ਬਣਦੇ ਹਨ।
 ਪ੍ਰਿੰਸੀਪਲ ਸ਼੍ਰੀਮਤੀ ਮੰਜੂ ਗਰਗ ਨੇ ਦੱਸਿਆ ਕਿ  ਦਸਵੀਂ ਅਤੇ ਬਾਰ੍ਹਵੀਂ ਦੇ ਨਤੀਜੇ ਹਰ ਸਾਲ ਵਾਂਗ ਇਸ ਵਾਰ ਵੀ 100 ਪ੍ਰਤੀਸ਼ਤ ਰਹੇ।  ਹਰਮਨਪ੍ਰੀਤ ਕੌਰ ਨੇ 94.15 ਪ੍ਰਤੀਸ਼ਤ, ਸੁਖਮਨਦੀਪ ਕੋਰ ਨੇ 93.38 ਪ੍ਰਤੀਸ਼ਤ, ਸਰਬਜੀਤ ਸਿੰਘ ਅਤੇ ਰਾਖ਼ੀ ਨੇ 93%, ਵਾਰਿੰਦਰ ਸਿੰਘ ਅਤੇ ਮਨਪ੍ਰੀਤ ਕੌਰ ਨੇ 92%, ਸੋਨੀ ਨੇ 91%, ਜਦਕਿ ਆਸਾ ਅਤੇ ਸੋਹਾਨੀ ਨੇ 90% ਨੰਬਰ ਲੈਕੇ ਸਕੂਲ ਦੇ ਸਨਮਾਨ ਨੂੰ ਕਾਇਮ ਰੱਖਿਆ ਹੈ। 
ਪ੍ਰਿੰਸੀਪਲ ਸ਼੍ਰੀਮਤੀ ਮੰਜੂ ਗਰਗ ਨੇ ਮਾਪਿਆਂ, ਅਧਿਆਪਕਾਂ ਅਤੇ ਵਿਦਿਆਰਥੀਆਂ ਦਾ ਧੰਨਵਾਦ ਕਰਦੇ ਹੋਏ ਕਿਹਾ ਕਿ ਸਕੂਲ ਵਲੋਂ ਪਿਛਲੇ 25 ਸਾਲਾਂ ਤੋਂ ਬੱਚਿਆਂ ਦੀ ਗੁਣਕਾਰੀ ਸਿਖਿਆ, ਚੰਗੇ ਆਚਰਣ, ਸੰਸਕਾਰਾਂ, ਅਨੁਸ਼ਾਸਨ, ਨਿਮਰਤਾ ਅਤੇ ਅਧੁਨਿਕ ਤਕਨੀਕਾਂ ਦੇ ਗਿਆਨ ਦੇਣ ਲਈ ਯਤਨ ਕੀਤੇ ਜਾਂਦੇ ਹਨ। ਬੱਚਿਆਂ ਦੇ ਮਾਪਿਆਂ ਅਤੇ ਬਜ਼ੁਰਗਾਂ ਨੇ ਪ੍ਰਿੰਸੀਪਲ ਸ਼੍ਰੀਮਤੀ ਮੰਜੂ ਗਰਗ ਅਤੇ ਅਧਿਆਪਕਾਂ ਦਾ ਧੰਨਵਾਦ ਕੀਤਾ ਕਿ ਬੱਚਿਆਂ ਦੇ ਉੱਜਵਲ ਭਵਿੱਖ, ਅਤੇ ਗੁਣਕਾਰੀ ਸਿੱਖਿਆ, ਦੇ ਨਾਲ ਨਾਲ ਸੰਸਕਾਰਾਂ ਫਰਜ਼ਾਂ ਸਬਰ ਸ਼ਾਂਤੀ ਆਗਿਆ ਪਾਲਣ ਨਿਮਰਤਾ ਦੇ ਗੁਣ ਗਿਆਨ ਦੇਣ ਲਈ ਪ੍ਰਸੰਸਾਯੋਗ ਉਪਰਾਲੇ ਕੀਤੇ ਜਾ ਰਹੇ ਹਨ।