ਨਵਾਂਸ਼ਹਿਰ- ਪੈਨਸ਼ਨਰਜ਼ ਐਸੋਸੀਏਸ਼ਨ PSPCL ਮੰਡਲ ਨਵਾਂਸ਼ਹਿਰ ਦੀ ਮਹੀਨਾਵਾਰ ਮੀਟਿੰਗ ਮੰਡਲ ਪ੍ਰਧਾਨ ਨਰਿੰਦਰ ਕੁਮਾਰ ਮਹਿਤਾ ਦੀ ਅਗਵਾਈ ਵਿਚ ਕੀਤੀ ਗਈ। ਮੀਟਿੰਗ ਦੀ ਕਾਰਵਾਈ ਸ਼ੁਰੂ ਕਰਦਿਆਂ ਮੀਟਿੰਗ ਵਿਚ ਆਏ ਪੈਨਸ਼ਨਰਜ਼ ਨੇ ਸੱਭ ਨੂੰ ਨਵੇਂ ਸਾਲ ਦੀਆਂ ਸ਼ੁੱਭ ਕਾਮਨਾਵਾਂ ਭੇਂਟ ਕੀਤੀਆਂ ਅਤੇ ਪਿਛਲੇ ਬੀਤੇ ਵਰ੍ਹੇ ਦੌਰਾਨ ਸਦੀਵੀ ਵਿਛੋੜਾ ਦੇ ਗਏ ਪੈਨਸ਼ਨਰਜ਼ ਸਾਥੀਆਂ ਨੂੰ ਦੋ ਮਿੰਟ ਦਾ ਮੋਨ ਧਾਰਨ ਕਰਕੇ ਸ਼ਰਧਾਂਜਲੀ ਦਿੱਤੀ ਗਈ।
ਇਸ ਉਪਰੰਤ ਬੁਲਾਰੇ ਸਾਥੀ ਜਿਨ੍ਹਾਂ ਵਿੱਚ ਸਰਕਲ ਵਿੱਤ ਸਕੱਤਰ ਕੁਲਵਿੰਦਰ ਅਟਵਾਲ,ਸਰਕਲ ਆਗੂ  ਵਿਜੇ ਕੁਮਾਰ,ਸੁਰਜੀਤ ਚਰਾਨ,ਸ਼ੰਭੂ ਨਰੈਣ ਸਿੰਘ  ਰਾਹੋਂ,ਸ਼ਿਵਰਾਜ ਨਵਾਂਸ਼ਹਿਰ,ਸਤਪਾਲ ਭਾਟੀਆ ਰਾਹੋਂ,ਜੁਗਿੰਦਰ ਬੇਗਮਪੁਰ,ਸਤੀਸ਼ ਕੁਮਾਰ ਨਈਅਰ ਨੇ ਆਪਣੇ ਸੰਬੋਧਨ ਵਿਚ ਕਿਹਾ ਕਿ ਪੈਨਸ਼ਨਰਜ਼ ਦੀਆਂ ਮੰਗਾਂ ਦੇ ਹੱਲ ਲਈ ਸਰਕਾਰ ਜਥੇਬੰਦੀਆਂ ਨੂੰ ਮੀਟਿੰਗਾਂ ਦੇਕੇ ਮੀਟਿੰਗਾਂ ਤੋਂ ਭੱਜ ਰਹੀ ਹੈ। ਸਰਕਾਰ ਵਲੋਂ ਅਪਣਾਈ ਜਾ ਰਹੀ ਇਸ ਬੇਭਰੋਸਗੀ ਨੀਤੀ ਦੀ ਸਖਤ ਸ਼ਬਦਾਂ ਵਿਚ ਨਿਖੇਧੀ ਕੀਤੀ ਗਈ ਅਤੇ ਮੰਗਾਂ ਦਾ ਨਿਪਟਾਰਾ ਜੱਲਦ ਕਰਨ ਦੀ ਮੰਗ ਕੀਤੀ ਗਈ।
ਇਸ ਮੌਕੇ ਮੰਚ ਸੰਚਾਲਨ ਦੀ ਭੂਮਿਕਾ ਮਦਨਲਾਲ ਰਾਮਰਾਏਪੁਰ ਨੇ ਨਿਭਾਈ ਕਿਹਾ ਕਿ ਜੋ ਪੈਨਸ਼ਨਰਜ਼ ਜਥੇਬੰਦੀ ਦੇ ਸੰਘਰਸ਼ਾਂ ਤੇ ਸਰਗਰਮੀਆਂ ਵਿਚ ਵਿਸ਼ੇਸ਼ ਯੋਗਦਾਨ ਪਾਉਂਦੇ ਹਨ। ਉਨ੍ਹਾਂ ਸੀਨੀਅਰ ਪੈਨਸ਼ਨਰਜ਼ ਸਾਥੀਆਂ ਚੋਂ ਨਵੇਂ ਸਾਲ ਜਨਵਰੀ ਮਹੀਨੇ ਦੀ ਮਹੀਨਾਵਾਰ ਮੀਟਿੰਗ ਵਿਚ ਸਨਮਾਨਿਤ ਕੀਤਾ ਜਾਂਦਾ ਹੈ| ਤਾਂ ਜੋ ਸਮੂਹ ਪੈਨਸ਼ਨਰਜ਼ ਦਾ ਆਪਣੇ ਹੱਕਾਂ ਲਈ ਲੜੇ ਜਾ ਰਹੇ ਸੰਘਰਸ਼ਾਂ ਵਿਚ ਉਤਸ਼ਾਹ ਬਣਿਆ ਰਹੇ। 
ਮੰਡਲ ਨਵਾਂਸ਼ਹਿਰ ਦੇ ਪੈਨਸ਼ਨਰਜ਼ ਵਲੋਂ ਕਰੀਬ ਬਾਰਾਂ ਸਾਲਾਂ ਤੋਂ ਚੱਲਦੀ ਆ ਰਹੀ ਇਸ ਪ੍ਰੰਪਰਾ ਅਨੁਸਾਰ ਸਾਲ 1950 ਅਤੇ 1951 ਵਿਚ ਜਨਮੇ ਪੈਨਸ਼ਨਰਜ਼ ਸਾਥੀ ਜਿਨ੍ਹਾਂ ਵਿੱਚ ਸੋਹਨ ਸਿੰਘ ਮਝੂਰ, ਅਜੀਤ ਸਿੰਘ ਲੰਗੜੋਆ, ਅਵਤਾਰ ਸਿੰਘ, ਜੁਗਿੰਦਰ ਬੇਗਮਪੁਰ, ਟੇਕ ਚੰਦ ਬੈਂਸਾਂ, ਬਲਦੇਵ ਤਾਜੋਵਾਲ, ਉਹਧੋ ਰਾਮ ਕਰੀਹਾ, ਸ਼ਿਵ ਰਾਜ ਨਵਾਸ਼ਹਿਰ, ਗਿਆਨ ਚੰਦ ਗੁੱਜਰ ਪੁਰ, ਕਰਨੈਲ ਸਿੰਘ ਸਿੰਬਲੀ, ਮਨਜੀਤ ਸਿੰਘ ਰੁੜਕੀ, ਸਵਰਨ ਦਾਸ  ਸਲੋਹ, ਲਖਵੀਰ ਸਿੰਘ ਨਵਾਂਸ਼ਹਿਰ, ਨੂੰ ਗਿਫਟ ਵਜੋਂ ਕੰਬਲ ਦੇਕੇ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਬਹੁਗਿਣਤੀ ਪੈਨਸ਼ਨਰਜ਼ ਹਾਜਰ ਸਨ।