ਚੰਡੀਗੜ੍ਹ: ਅੱਜ-ਕੱਲ੍ਹ ਨਿਹੰਗ ਜਥੇਬੰਦੀਆਂ ਨੂੰ ਬੇਵਜ੍ਹਾ ਅਕਸਰ ਲੋਕ ਨਕਾਰਾਤਮਕ ਰੂਪ ਵਿੱਚ ਦੇਖਦੇ ਹਨ, ਪਰ ਬਾਬਾ ਲੱਖਵੀਰ ਸਿੰਘ ਕੁੰਭੜਾ ਅਤੇ ਉਨ੍ਹਾਂ ਦੇ ਸਾਥੀਆਂ ਨੇ ਇੱਕ ਸ਼ੋਕ ਸਮਾਗਮ ਦੌਰਾਨ ਜਿਸ ਤਰ੍ਹਾਂ ਦੁੱਖੀ ਪਰਿਵਾਰ ਨਾਲ ਹਮਦਰਦੀ ਜਤਾਈ, ਉਹ ਹਰ ਦਿਲ ਨੂੰ ਛੂਹ ਗਿਆ।
ਇਹ ਸਮਾਗਮ ਇਕ ਨੌਜਵਾਨ ਦੀ ਯਾਦ ਵਿੱਚ ਰਖਿਆ ਗਿਆ ਸੀ ਜੋ ਆਪਣੇ ਸਵਾਸਾਂ ਦੀ ਪੂੰਜੀ ਪੂਰੀ ਕਰ ਚੁੱਕਾ ਸੀ। ਬਾਬਾ ਲੱਖਵੀਰ ਸਿੰਘ, ਜੋ ਉਨ੍ਹਾਂ ਦੇ ਪਰਿਵਾਰ ਨਾਲ ਕਈ ਸਾਲਾਂ ਤੋਂ ਜਾਣ-ਪਛਾਣ ਰੱਖਦੇ ਸਨ, ਆਪਣੇ ਜਥੇ ਸਮੇਤ ਉਕਤ ਪਰਿਵਾਰ ਦੇ ਦੁੱਖ ਵਿਚ ਹਾਜ਼ਰ ਹੋਏ। ਉਹ ਸਮਾਗਮ ਦੌਰਾਨ ਲੰਬੇ ਸਮੇਂ ਤੱਕ ਪਰਿਵਾਰ ਦੇ ਨਾਲ ਬੈਠੇ ਰਹੇ, ਜੋ ਉਨ੍ਹਾਂ ਦੀ ਸੰਵੇਦਨਸ਼ੀਲਤਾ ਅਤੇ ਮਨੁੱਖੀਤਾ ਦੀ ਮਿਸਾਲ ਸੀ।
ਇਸ ਮੌਕੇ ਉਨ੍ਹਾਂ ਨਾਲ ਬਾਬਾ ਸਿਮਰਜੀਤ ਸਿੰਘ ਸਿੰਮੀ, ਬਾਬਾ ਰਜਿੰਦਰ ਸਿੰਘ ਚਾਵਲਾ, ਬਾਬਾ ਨਰਿੰਦਰ ਸਿੰਘ ਚੱਪੜਚਿੜੀ, ਬਾਬਾ ਅਤਰ ਸਿੰਘ ਖਿਜਰਾਬਾਦ, ਬਾਬਾ ਭੁਪਿੰਦਰ ਸਿੰਘ ਚੱਪੜਚਿੜੀ, ਬਾਬਾ ਸ਼ਗਨਪਰੀਤ ਸਿੰਘ ਚੱਪੜਚਿੜੀ ਅਤੇ ਬਾਬਾ ਨਰਿੰਦਰ ਸਿੰਘ ਜੁਝਾਰ ਨਗਰ ਵੀ ਹਾਜ਼ਰ ਸਨ।
ਜਦ ਪੱਤਰਕਾਰ ਹਰਮਿੰਦਰ ਸਿੰਘ ਨਾਗਪਾਲ ਨੇ ਬਾਬਾ ਜੀ ਨੂੰ ਪਰਿਵਾਰ ਦੀ ਵੱਡੀ ਬੇਟੀ ਵੀਨਾ ਰਾਜਪੂਤ ਨਾਲ ਸਮੂਹ ਜਥੇ ਦੀ ਇੱਕ ਸਮੂਹਕ ਫੋਟੋ ਖਿੱਚਣ ਲਈ ਬੇਨਤੀ ਕੀਤੀ, ਤਾਂ ਬਾਬਾ ਜੀ ਨੇ ਵਿਸ਼ੇਸ਼ ਆਦਰ ਨਾਲ ਇਸ ਨਿਮਰ ਅਨੁਰੋਧ ਨੂੰ ਮਨਜ਼ੂਰ ਕਰਦਿਆਂ, ਆਪਣੇ ਸਾਰੇ ਸਾਥੀਆਂ ਨਾਲ ਇਕਸੂਤਿ ਨਾਲ ਸ਼ਾਮਿਲ ਹੋਕੇ ਫੋਟੋ ਖਿਚਵਾਈ।
ਇਹ ਦ੍ਰਿਸ਼ ਸਮੂਹ ਪਿੰਡ ਵਾਸੀਆਂ ਲਈ ਇਕ ਗਹਿਰੀ ਯਾਦਗਾਰ ਛੱਡ ਗਿਆ, ਜਿਸ ਨੇ ਦਰਸਾਇਆ ਕਿ ਨਿਹੰਗ ਸਿੰਘ ਸਿਰਫ਼ ਵਾਰ ਫੌਜੀ ਨਹੀਂ, ਸਗੋਂ ਦੁੱਖ ਦਰਦ ਸਮਝਣ ਵਾਲੇ ਹਮਦਰਦ ਵੀ ਹਨ।