ਗੜ੍ਹਸ਼ੰਕਰ, 4 ਅਕਤੂਬਰ - ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਦੁਸਹਿਰਾਂ ਟਰੱਸਟ ਰਾਮਪੁਰ ਬਿਲੜੋ ਵੱਲੋਂ ਦੁਸਹਿਰੇ ਦੇ ਸੰਬਧ ਵਿਚ ਰਵੀ ਰਾਜ ਖੰਨਾ ਦੀ ਅਗਵਾਈ ਹੇਠ ਝੰਡੇ ਦੀ ਰਸਮ ਅਦਾ ਕੀਤੀ, ਨੰਬੜਦਾਰ ਕੁਸ਼ਲ ਸਿੰਘ ਰਾਣਾ ਨੇ ਰੀਬਨ ਕੱਟ ਕੇ ਉਦਘਾਟਨ ਕੀਤਾ ਤੇ ਸਾਰੇ ਪਿੰਡ ਦੀ ਪਰਿਕ੍ਰਮਾਂ ਕਰਕੇ ਦੁਸਹਿਰਾ ਗਰਾਉਂਡ ਰਾਮਪੁਰ ਬਿਲੜੋ ਵਿਚ ਝੰਡਾ ਲਗਾਇਆ ਗਿਆ।
ਇਸ ਮੌਕੇ ਕਮੇਟੀ ਮੈਂਬਰਾਂ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ 12 ਅਕਤੂਬਰ ਦਿਨ ਸ਼ਨੀਵਾਰ ਨੂੰ ਦੁਸਹਿਰਾਂ ਟਰੱਸਟ ਅਤੇ ਗ੍ਰਾਮ ਪੰਚਾਇਤ ਰਾਮਪੁਰ ਬਿਲੜੋ ਵਲੋਂ ਸਕੂਲ ਦੀ ਗਰਾਉਂਡ ਵਿੱਚ 34ਵਾਂ ਸਲਾਨਾ ਦੁਸਹਿਰੇ ਦਾ ਤਿਉਹਾਰ ਬੜੀ ਧੂਮ ਧਾਮ ਨਾਲ ਮਨਾਇਆ ਜਾਵੇਗਾ।ਜਿਸ ਵਿੱਚ ਮਨ ਮੋਹ ਲੈਣ ਵਾਲੀਆਂ ਝਾਕੀਆਂ ਸਟੇਜ਼ ਤੇ ਆਉਣ ਗੀਆਂ ਅਤੇ ਰਾਵਣ, ਕੂਭਕਰਨ, ਮੇਘਨਾਥ ਦੇ ਪੁੱਤਲਿਆ ਨੂੰ ਅਗਨੀ ਭੇਂਟ ਕੀਤਾ ਜਾਵੇਗਾ।
ਇਸ ਮੌਕੇ ਦੁਸਹਿਰਾ ਟਰੱਸਟ ਤੋਂ  ਕਮੇਟੀ ਦੇ ਪ੍ਰਧਾਨ ਨੇ ਗੱਲਬਾਤ ਕਰਦਿਆਂ ਕਿਹਾ ਕਿ ਦੁਸਹਿਰੇ ਦਾ ਤਿਉਹਾਰ ਬਦੀ ਤੇ ਨੇਕੀ ਦਾ ਪ੍ਰਤੀਕ ਹੈ।ਉਨ੍ਹਾਂ ਕਿਹਾ ਕਿ ਸਾਨੂੰ ਭਗਵਾਨ ਰਾਮ ਚੰਦਰ ਵਲੋਂ ਸੱਚ ਦੇ ਰਾਹ ਨੂੰ ਅਪਣਾਉਣ ਦੀ ਕੋਸ਼ਿਸ ਕਰਨੀ ਚਾਹੀਦੀ ਹੈ
ਇਸ ਮੌਕੇ ਪ੍ਰਧਾਨ ਰਵੀ ਰਾਜ ਖੰਨਾ, ਰਜੀਵ ਖੰਨਾ, ਡਾਕਟਰ ਸੰਭੂ ਰਾਣਾ, ਗੋਪਾਲ ਸਾਦਲ, ਕੁਵਿੰਦਰ ਮਿਸਤਰੀ, ਸ਼ਿਵਰਾਜ ਰਾਣਾ, ਨਰਿੰਦਰ ਮਿਸਤਰੀ, ਡਿਪਲ ਰਾਣਾ, ਛਿੰਦਾ ਪੈਂਟਰ, ਭਾਰਤ, ਪ੍ਰਿੰਸ ਰਾਣਾ, ਰਾਹੁਲ ਸਾਦਲ, ਸੰਭੂ ਸਰਪੰਚ, ਸੁੱਚੀ ਸਰਪੰਚ, ਹਰਮੇਸਵਰ ਸਰਪੰਚ ਬਿਲੜੋ ਅਤੇ ਸਮੂਹ ਨਗਰ ਨਿਵਾਸੀ ਵਾਸੀ ਸ਼ਾਮਿਲ ਸਨ ਅਤੇ ਇਹ ਵੀ ਅਪੀਲ ਕੀਤੀ ਕਿ ਕੋਈ ਵੀ ਵਿਅਕਤੀ ਨਸ਼ਾ ਕਰਕੇ  ਦੁਸਹਿਰੇ ਦੇ ਤਿਉਹਾਰ ਵਿੱਚ ਨਾਂ ਆਵੇ ਤੇ ਨਾ ਹੀ ਕੋਈ ਸ਼ਰਾਰਤੀ ਅਨਸਰ ਇਸ ਦੁਸਹਿਰੇ ਦੇ ਤਿਉਹਾਰ ਦੇ ਮਹੋਲ ਨੂੰ ਖਰਾਬ ਕਰਨ ਦੀ ਕੋਸ਼ਿਸ਼ ਕਰੇ ।