ਅੰਮ੍ਰਿਤਸਰ, 19 ਨਵੰਬਰ (ਹਰਮਿੰਦਰ ਸਿੰਘ ਨਾਗਪਾਲ):- ਟ੍ਰਾਈਸਿਟੀ ਸੀਨੀਅਰ ਸਿਟੀਜ਼ਨ ਦੀ ਮਹੀਨਾਵਾਰ ਮੀਟਿੰਗ ਸੈਕਟਰ 33 ਕਮਿਊਨਿਟੀ ਸੈਂਟਰ ਵਿਖੇ ਹੋਈ। ਮੀਟਿੰਗ ਦੀ ਸ਼ੁਰੂਆਤ ਸ੍ਰੀਮਤੀ ਰਾਜਿੰਦਰ ਕੌਰ ਸਹਿਦੇਵ (ਨਿੰਮੀ ਜੀ) ਵੱਲੋਂ ਕੀਤੀ ਗਈ। ਇਸ ਤੋਂ ਬਾਅਦ ਨੱਚਣ-ਗਾਉਣ ਅਤੇ ਸੰਗੀਤ ਦਾ ਪ੍ਰੋਗਰਾਮ ਸ਼ੁਰੂ ਹੋਇਆ। ਹਾਜ਼ਰ ਸਾਰੇ ਮੈਂਬਰਾਂ ਨੂੰ ਚਾਹ, ਪਾਣੀ ਅਤੇ ਸਨੈਕਸ ਦਿੱਤੇ ਗਏ। ਕਾਫ਼ੀ ਮੈਂਬਰਾਂ ਨੇ ਤੰਬੋਲਾ ਖੇਡ ਵਿੱਚ ਵੀ ਹਿੱਸਾ ਲਿਆ।

ਤਖ਼ਤ ਸੱਚਖੰਡ ਸ੍ਰੀ ਹਜ਼ੂਰ ਸਾਹਿਬ ਦੇ ਸਾਬਕਾ ਸੀ.ਈ.ਓ., ਪੰਜਾਬ ਐਂਡ ਸਿੰਧ ਬੈਂਕ ਦੇ ਸਾਬਕਾ ਡੀ.ਜੀ.ਐਮ. ਅਤੇ ਚੰਡੀਗੜ੍ਹ ਸਥਿਤ ਤੇਰਾ ਹੀ ਤੇਰਾ ਮੈਡੀਕੋਜ਼ ਦੇ ਇੰਚਾਰਜ ਸ੍ਰ. ਡੀ.ਪੀ. ਸਿੰਘ ਨੇ ਹਾਜ਼ਰ ਮੈਂਬਰਾਂ ਦਾ ਸਵਾਗਤ ਕੀਤਾ ਅਤੇ ਤੇਰਾ ਹੀ ਤੇਰਾ ਮਿਸ਼ਨ ਵੱਲੋਂ ਚਲਾਏ ਜਾ ਰਹੇ ਪ੍ਰੋਜੈਕਟਾਂ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਦੱਸਿਆ ਕਿ ਸ੍ਰੀ ਗੁਰੂ ਨਾਨਕ ਦੇਵ ਜੀ ਮਹਾਰਾਜ ਦੇ ਆ ਰਹੇ ਗੁਰਪੁਰਬ (24 ਨਵੰਬਰ 2026) ਨੂੰ ਸਮਰਪਿਤ ਤੇਰਾ ਹੀ ਤੇਰਾ ਮੈਡੀਕੋਜ਼ ਵੱਲੋਂ ਵਿਸ਼ੇਸ਼ ਛੋਟ ਦਿੱਤੀ ਜਾਵੇਗੀ। ਇਸ ਦੇ ਨਾਲ ਹੀ ਤੇਰਾ ਹੀ ਤੇਰਾ ਐਥੀਕਲ ਲੈਬ ਵੱਲੋਂ ਵਿਸ਼ੇਸ਼ ਮਾਮਲਿਆਂ ਲਈ ਇੱਕ ਮੁਫ਼ਤ ਪੈਕੇਜ ਵੀ ਦਿੱਤਾ ਜਾਵੇਗਾ।

ਉਨ੍ਹਾਂ ਇਹ ਵੀ ਦੱਸਿਆ ਕਿ ਨਜ਼ਰ ਲਈ ਸਮਾਰਟ ਐਨਕਾਂ, ਜਿਨ੍ਹਾਂ ਦੀ ਅੰਦਾਜ਼ਨ ਕੀਮਤ 35,000 ਤੋਂ 40,000 ਰੁਪਏ ਹੈ, 20 ਨਵੰਬਰ 2026 ਨੂੰ ਮੁਫ਼ਤ ਵੰਡੀਆਂ ਜਾਣਗੀਆਂ। ਗੁਰਪੁਰਬ ਦੇ ਮੌਕੇ ਲਈ ਇੱਕ ਵਿਸ਼ੇਸ਼ ਸ਼ਬਦ ਵੀ ਰਿਕਾਰਡ ਕੀਤਾ ਗਿਆ।

ਨਵੰਬਰ 2026 ਵਿੱਚ ਜਿਨ੍ਹਾਂ ਮੈਂਬਰਾਂ ਦੇ ਜਨਮਦਿਨ ਸਨ, ਉਨ੍ਹਾਂ ਤੋਂ ਕੇਕ ਕਟਵਾਇਆ ਗਿਆ। ਉਨ੍ਹਾਂ ਨੂੰ ਮੋਤੀਆਂ ਦੀ ਮਾਲਾ ਪਹਿਨਾ ਕੇ ਤੋਹਫ਼ੇ ਦਿੱਤੇ ਗਏ। ਇਸ ਤੋਂ ਬਾਅਦ ਧੰਨਵਾਦ ਕੀਤਾ ਗਿਆ ਅਤੇ ਸਾਰਿਆਂ ਨੂੰ ਦੁਪਹਿਰ ਦਾ ਖਾਣਾ ਖਵਾਇਆ ਗਿਆ। ਇਸ ਤਰ੍ਹਾਂ ਸਮਾਗਮ ਦੀ ਸਮਾਪਤੀ ਹੋਈ।

ਇਸ ਪ੍ਰੋਗਰਾਮ ਵਿੱਚ ਜੇਠੀ ਜੀ, ਸ੍ਰੀ ਰਵਿੰਦਰ ਨਾਥ ਜੀ, ਸ੍ਰੀਮਤੀ ਪ੍ਰਤਿਪਾਲ ਕੌਰ, ਮਿਨੋਚਾ ਜੀ, ਮਾਵੀ ਜੀ, ਮਲਹੋਤਰਾ ਜੀ ਅਤੇ ਗਵਰਨਿੰਗ ਬਾਡੀ ਦੇ ਹੋਰ ਮੈਂਬਰਾਂ ਦਾ ਦਿਲੋਂ ਧੰਨਵਾਦ ਕੀਤਾ ਗਿਆ। ਮਲਹੋਤਰਾ ਜੀ ਨੇ ਰਜਿਸਟ੍ਰੇਸ਼ਨ ਦੀ ਸੇਵਾ ਨਿਭਾਈ।