ਰਤੀਆ, 21 ਅਕਤੂਬਰ (ਐਡਵੋਕੇਟ ਗੁਰਪ੍ਰੀਤ ਸਿੰਘ ਮੰਡੇਰ):- ਸ਼ਕਤੀ ਨਾਟਕ ਕਲੱਬ ਵੱਲੋਂ ਸ਼ਹਿਰ ਦੇ ਸੀਨੀਅਰ ਸੈਕੰਡਰੀ ਬੁਆਏਜ਼ ਸਕੂਲ ਵਿੱਚ ਮਨਾਇਆ ਗਿਆ ਦੁਸਹਿਰੇ ਦਾ ਤਿਉਹਾਰ ਬੜੇ ਉਤਸ਼ਾਹ ਅਤੇ ਸ਼ਰਧਾ ਨਾਲ ਮਨਾਇਆ ਗਿਆ। ਬੁਰਾਈ ’ਤੇ ਨੇਕੀ ਦੀ ਜਿੱਤ ਦੇ ਪ੍ਰਤੀਕ ਰਾਵਣ ਦੇ ਪੁਤਲੇ ਦਾ ਸ਼ਰਧਾ ਨਾਲ ਦਹਨ ਕੀਤਾ ਗਿਆ। ਸਕੂਲ ਦੇ ਵਿਹੜੇ ਵਿੱਚ ਹਜ਼ਾਰਾਂ ਦੀ ਗਿਣਤੀ ਵਿੱਚ ਦਰਸ਼ਕਾਂ ਨੇ ਇਹ ਦ੍ਰਿਸ਼ ਦੇਖਿਆ।
ਇਸ ਤੋਂ ਪਹਿਲਾਂ ਦੁਸਹਿਰੇ ਦੇ ਤਿਉਹਾਰ ਸਬੰਧੀ ਰਾਮਲੀਲਾ ਗਰਾਊਂਡ ਤੋਂ ਭਗਵਾਨ ਸ੍ਰੀ ਰਾਮ ਅਤੇ ਰਾਵਣ ਦੀ ਸੈਨਾ ਦੀਆਂ ਝਾਕੀਆਂ ਕੱਢੀਆਂ ਗਈਆਂ। ਪੰਜਾਬੀ ਸਭਾ ਦੇ ਸਾਬਕਾ ਪ੍ਰਧਾਨ ਡਾ. ਜੀ.ਡੀ. ਮਹਿਤਾ ਦੇ ਪੁੱਤਰ ਅਤੇ ਸਮਾਜ ਸੇਵੀ ਵਿੱਕੀ ਮਹਿਤਾ ਨੇ ਝੰਡੀ ਦੇ ਕੇ ਝਾਕੀਆਂ ਨੂੰ ਰਵਾਨਾ ਕੀਤਾ। ਇਸ ਦੌਰਾਨ ਪ੍ਰੋਗਰਾਮ ਦੀ ਪ੍ਰਧਾਨਗੀ ਪੰਜਾਬੀ ਸਭਾ ਦੇ ਪ੍ਰਧਾਨ ਸਤੀਸ਼ ਹਾਂਡਾ ਨੇ ਕੀਤੀ।
ਇਸ ਮੌਕੇ ਅਗਰਵਾਲ ਸਭਾ ਦੇ ਪ੍ਰਧਾਨ ਪ੍ਰਮੋਦ ਬਾਂਸਲ, ਨੰਬਰਦਾਰ ਐਸੋਸੀਏਸ਼ਨ ਦੇ ਪ੍ਰਧਾਨ ਗਿਆਨ ਚੰਦ ਚੋਪੜਾ, ਕਨਵੀਨਰ ਡਾ. ਹੰਸਰਾਜ, ਵਿਗਿਆਨ ਸਾਗਰ ਬਾਘਲਾ, ਹਰਬੰਸ ਖੰਨਾ, ਕ੍ਰਿਸ਼ਨ ਤਨੇਜਾ, ਰਘੂਨਾਥ ਮੰਦਰ ਕਮੇਟੀ ਦੇ ਪ੍ਰਧਾਨ ਸੁਭਾਸ਼ ਚੁੱਘ, ਸ਼ਾਮ ਆਨੰਦ, ਕਾਲੀ ਮਾਤਾ ਮੰਦਰ ਕਮੇਟੀ ਦੇ ਪ੍ਰਧਾਨ ਸ਼ਿਆਮ ਲਾਲ ਬਾਂਸਲ, ਅਰੋੜਵੰਸ਼ ਸਭਾ ਦੇ ਸਾਬਕਾ ਪ੍ਰਧਾਨ ਅਸ਼ੋਕ ਗਰੋਵਰ, ਪੰਚਨਾਥ ਸਮਾਰਕ ਟਰੱਸਟ ਦੇ ਪ੍ਰਧਾਨ ਰੋਹਿਤ ਚੁੱਘ, ਸੋਨੂ ਗਰੋਵਰ, ਸੁਰੇਸ਼ ਮਹਿਤਾ, ਵਿੰਨੀ ਵਧਵਾ, ਦੇਵ ਕੱਕੜ, ਜਤਿੰਦਰ, ਸਤੀਸ਼ ਮਹਿਤਾ, ਦਿਨੇਸ਼ ਤਨੇਜਾ, ਸਤੀਸ਼ ਚੋਪੜਾ, ਸ਼ਿਆਮ ਮਹਿਤਾ, ਮਨੀਸ਼ ਘਈ, ਸੰਜੇ ਚੁੱਘ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ।
ਸ਼ਕਤੀ ਨਾਟਕ ਕਲੱਬ ਵੱਲੋਂ ਕੱਢੀਆਂ ਗਈਆਂ ਝਾਕੀਆਂ ਵਿੱਚ ਸਾਗਰ ਆਰਟ ਵੱਲੋਂ ਭਗਵਾਨ ਸ਼ਿਵ ਭੋਲੇਨਾਥ, ਕਾਲੀ ਮਾਤਾ, ਅਘੋਰੀਆਂ ਦੀ ਪਿੰਜਰਾਂ ਵਾਲੀ ਸੈਨਾ ਅਤੇ ਭਗਵਾਨ ਸ੍ਰੀ ਹਨੂਮਾਨ ਦੀਆਂ ਝਾਕੀਆਂ ਪੇਸ਼ ਕੀਤੀਆਂ ਗਈਆਂ, ਜਿਨ੍ਹਾਂ ਨੇ ਸ਼ਹਿਰ ਵਾਸੀਆਂ ਨੂੰ ਰੋਮਾਂਚਿਤ ਕਰ ਦਿੱਤਾ। ਆਰਟ ਗਰੁੱਪ ਦੀਆਂ ਭਗਵਾਨ ਸ਼ਿਵ ਭੋਲੇਨਾਥ ਅਤੇ ਕਾਲੀ ਮਾਤਾ ਦੀਆਂ ਝਾਕੀਆਂ ਨੇ ਦਰਸ਼ਕਾਂ ਨੂੰ ਮੰਤਰਮੁਗਧ ਕਰ ਦਿੱਤਾ।
ਦੁਸਹਿਰੇ ਦੀ ਝਾਕੀ ਰਾਮਲੀਲਾ ਗਰਾਊਂਡ ਤੋਂ ਸ਼ੁਰੂ ਹੋ ਕੇ ਸ਼ਕਤੀ ਨਗਰ, ਪੰਜਾਬੀ ਧਰਮਸ਼ਾਲਾ, ਟੋਹਾਣਾ ਰੋਡ, ਭਗਤ ਸਿੰਘ ਚੌਕ, ਫਤਿਹਾਬਾਦ ਰੋਡ, ਸੰਜੇ ਗਾਂਧੀ ਚੌਕ ਅਤੇ ਬੁਢਲਾਡਾ ਰੋਡ ਤੋਂ ਹੁੰਦੀ ਹੋਈ ਸ਼ਹਿਰ ਦੇ ਮੁੱਖ ਬਾਜ਼ਾਰ ਵਿੱਚੋਂ ਲੰਘ ਕੇ ਮੁੜ ਰਾਮਲੀਲਾ ਗਰਾਊਂਡ ਪਹੁੰਚੀ। ਉੱਥੇ ਭਗਵਾਨ ਸ੍ਰੀ ਰਾਮ ਅਤੇ ਰਾਵਣ ਦੀਆਂ ਸੈਨਾਵਾਂ ਵਿਚਕਾਰ ਭਿਆਨਕ ਯੁੱਧ ਦਾ ਦ੍ਰਿਸ਼ ਪੇਸ਼ ਕੀਤਾ ਗਿਆ।
