ਮੌੜ ਮੰਡੀ (ਪੈਗ਼ਾਮ-ਏ-ਜਗਤ)- ਮੌੜ ਮੰਡੀ ਤੋਂ ਚੰਡੀਗੜ੍ਹ ਜਾਣ ਵਾਲੇ ਪੰਜਾਬ ਦੇ ਰੋਡਵੇਜ਼ ਦੇ ਰੂਟ ਨੂੰ ਨੂੰ ਆਮ ਆਦਮੀ ਪਾਰਟੀ ਕਿਸਾਨ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਪਰਮਜੀਤ ਸਿੰਘ ਕੋਟਫੱਤਾ ਚੇਅਰਮੈਨ ਪੰਜਾਬ ਖੇਤੀ ਵਿਕਾਸ ਬੈਂਕ ਬਠਿੰਡਾ ਦੇ ਯਤਨਾਂ ਸਦਕਾ ਕੋਟਫੱਤਾ ਤੋਂ ਚੰਡੀਗੜ੍ਹ ਲਈ ਬੱਸ ਸੇਵਾ ਸ਼ੁਰੂ ਕੀਤੀ ਗਈ। 
ਇਹ ਬੱਸ ਕੋਟਫੱਤਾ ਤੋਂ ਸਵੇਰੇ 9.30 ਵਜੇ ਚੱਲਕੇ ਰਾਤ ਨੂੰ 12 ਵਜੇ ਕੋਟਫੱਤਾ ਵਾਪਿਸ ਆਵੇਗੀ। ਚੰਡੀਗੜ੍ਹ ਤੋਂ ਇਹ ਬੱਸ ਸ਼ਾਮ ਨੂੰ 6 ਵਜੇ ਚੱਲੇਗੀ ਜਿਸ ਨਾਲ ਚੰਡੀਗੜ੍ਹ ਤੋਂ ਸ਼ਾਮ ਨੂੰ ਆਉਣ ਵਾਲੀਆਂ ਸਵਾਰੀਆਂ ਨੂੰ ਵੱਡੀ ਸਹੂਲਤ ਮੁੱਹਈਆ ਹੋਵੇਗੀ। ਇਸ ਬੱਸ ਨੂੰ ਕੋਟਫੱਤਾ ਤੋਂ ਆਪ ਕਿਸਾਨ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਤੇ ਚੇਅਰਮੈਨ ਕੋਆਪਰੇਟਿਵ ਖੇਤੀਬਾੜੀ ਵਿਕਾਸ ਬੈਂਕ ਬਠਿੰਡਾ ਪਰਮਜੀਤ ਕੋਟ ਫੱਤਾ ਨੇ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ।
 ਇਸ ਮੌਕੇ ਪੀ ਆਰ ਟੀਮ ਸੀ ਦੇ ਜਨਰਲ ਮੈਨੇਜਰ ਪ੍ਰਵੀਨ ਸ਼ਰਮਾ, ਇੰਸਪੈਕਟਰ ਬਲਜਿੰਦਰ ਸਿੰਘ ਘੁੰਮਣ,ਨਗਰ ਕੌਂਸਲ ਕੋਟ ਫੱਤਾ ਦੀ ਪ੍ਰਧਾਨ ਦੇ ਪਤੀ ਬਿਕਰਮ ਸਿੰਘ,ਨਗਰ ਕੌਂਸਲ ਦੇ ਮੀਤ ਪ੍ਰਧਾਨ ਇਕਬਾਲ ਸਿੰਘ ਢਿੱਲੋਂ, ਕੌਂਸਲਰ ਇਕਬਾਲ ਸਿੰਘ ਮੇਟ, ਕੌਂਸਲਰ ਗੁਰਮੇਲ ਸਿੰਘ, ਕੌਂਸਲਰ ਸੁਖਵੀਰ ਸਿੰਘ, ਨੰਬਰਦਾਰ ਜਸਵਿੰਦਰ ਸਿੰਘ, ਪਿੰਡ ਧਨ ਸਿੰਘ ਖਾਨਾ ਦੇ ਸਰਪੰਚ ਫਤਿਹ ਸਿੰਘ ਢਿੱਲੋਂ ਤੇ ਪਿੰਡ ਦੇ ਆਪ ਵਲੰਟੀਅਰਜ਼ ਬਲਕਰਨ ਸਿੰਘ ਗਹਿਰੀ,ਬਗਦਾ ਸਿੰਘ ਆਦਿ ਹਾਜ਼ਰ ਸਨ। 
ਇਸ ਮੌਕੇ ਲੱਡੂ ਵੰਡ ਕੇ ਬੱਸ ਚੱਲਣ ਦੀ ਖੁਸ਼ੀ ਸਾਂਝੀ ਕੀਤੀ ਗਈ ਤੇ ਪਿੰਡ ਦੀ ਪੰਚਾਇਤ ਵੱਲੋਂ ਪੀ ਆਰ ਟੀਮ ਸੀ ਦੇ ਜਨਰਲ ਮੈਨੇਜਰ ਪ੍ਰਵੀਨ ਸ਼ਰਮਾ ਤੇ ਇੰਸਪੈਕਟਰ ਬਲਜਿੰਦਰ ਸਿੰਘ ਘੁੰਮਣ ਨੂੰ ਸਿਰਪਾਉ ਦੇਕੇ ਸਨਮਾਨਿਤ ਕੀਤਾ ਗਿਆ।