ਨਵਾਂਸ਼ਹਿਰ - ਸਥਾਨਕ “ਉਪਕਾਰ ਕੋਆਰਡੀਨੇਸ਼ਨ ਸੋਸਾਇਟੀ” ਦੇ ਸੱਦੇ ਤੇ  ਬਾਬਾ ਵਜ਼ੀਰ ਸਿੰਘ ਖਾਲਸਾ ਸ.ਸ.ਸਕੂਲ ਦੇ ਵਿਦਿਆਰਥੀਆਂ ਨੇ ਨਸ਼ਿਆਂ ਵਿਰੁੱਧ ਵਿਸ਼ੇਸ਼ ਜਾਗਰੂਕਤਾ ਪੇਂਟਿੰਗਜ਼ ਬਣਾਈਆਂ ਜਿਸ ਦੀ ਜੱਜਮੈਂਟ ਸੁੱਖਵਿੰਦਰ ਸਿੰਘ ਥਾਂਦੀ, ਪਰਵਿੰਦਰ ਸਿੰਘ ਜੱਸੋਮਜਾਰਾ,ਅਮਰਜੀਤ ਸਿੰਘ ਖਾਲਸਾ, ਨਰਿੰਦਰਪਾਲ, ਬੀਰਬਲ ਤੱਖੀ ਤੇ ਅਧਾਰਿਤ ਜੱਜ- ਮੰਡਲੀ ਵਲੋਂ ਕੀਤੀ ਗਈ। ਨਤੀਜਿਆਂ ਅਨੁਸਾਰ ਤਨੀਸ਼ਾ ਕੈਂਥ ਕਲਾਸ ਬਾਰਵੀਂ ਨੂੰ ਪਹਿਲਾ, ਸਾਨੂੰ ਬਾਰਵੀਂ ਨੂੰ ਦੂਸਰਾ, ਬਿਰਜੇਸ਼ ਕਲਾਸ ਛੇਵੀਂ ਨੂੰ ਤੀਸਰਾ ਤੇ ਮਨਜੀਤ ਰਾਮ ਨੂੰ ਚੌਥਾ ਸਥਾਨ ਪ੍ਰਾਪਤ ਹੋਇਆ। 
ਇਸ ਮੌਕੇ ਪੂਜਾ, ਰਾਮ, ਬਿਮਲ, ਸਾਨੂੰ ਤੇ ਬਰਿਜੇਸ਼ ਨੇ ਜਾਗਰੂਕਤਾ ਗੀਤ ਤੇ ਕਵਿਤਾਵਾਂ ਪੇਸ਼ ਕੀਤੀਆਂ। ਜਸਵੀਰ ਸਿੰਘ ਪ੍ਰਿੰਸੀਪਲ, ਪਰਮ ਸਿੰਘ ਖਾਲਸਾ, ਜੇ ਐਸ ਗਿੱਦਾ, ਸੁਰਜੀਤ ਕੌਰ ਡੂਲਕੂ, ਪਰਵਿੰਦਰ ਸਿੰਘ ਜੱਸੋਮਜਾਰਾ, ਹਰਬੰਸ ਕੌਰ, ਦੇਸ ਰਾਜ ਬਾਲੀ, ਗੁਰਚਰਨ ਸਿੰਘ ਬਸਿਆਲ੍ਹਾ, ਰਮਨਦੀਪ ਸਿੰਘ ਥਿਆੜਾ, ਨਰਿੰਦਰਪਾਲ, ਬੀਰਬਲ ਤੱਖੀ, ਅਮਰਜੀਤ ਸਿੰਘ ਖਾਲਸਾ, ਵਾਸਦੇਵ ਪ੍ਰਦੇਸੀ, ਸਿਮਰਨਜੀਤ ਤੱਖੀ ਅਤੇ ਸਟਾਫ ਵਲੋਂ ਪ੍ਰਿੰਸੀਪਲ ਜਸਵੀਰ ਸਿੰਘ, ਸ਼ਮਾ ਮਲਹੱਨ, ਸੁਖਜਿੰਦਰ ਸਿੰਘ, ਸੁਰਜੀਤ ਕੌਰ, ਸੰਨਦੀਪ ਕੌਰ, ਕਮਲ ਅਤੇ ਰਿਆ ਨੇ ਸ਼ਮੂਲੀਅਤ ਕੀਤੀ। 
ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦਿਆਂ ਜੇ.ਐਸ.ਗਿੱਦਾ, ਪਰਮ ਸਿੰਘ ਖਾਲਸਾ, ਪਰਵਿੰਦਰ ਸਿੰਘ ਜੱਸੋਮਜਾਰਾ, ਗੁਰਚਰਨ ਸਿੰਘ ਬਸਿਆਲ੍ਹਾ, ਦੇਸ ਰਾਜ ਬਾਲੀ, ਰਮਨਦੀਪ ਸਿੰਘ ਥਿਆੜਾ ਅਤੇ ਨਰਿੰਦਰਪਾਲ ਨੇ ਦੱਸਿਆ ਕਿ ਇਸ ਵੇਲੇ ਨਸ਼ਿਆਂ ਦੀ ਬੁਰਾਈ ਨੇ ਪੰਜਾਬ ਸਾਹਮਣੇ ਵੱਡਾ ਚੈਲਿੰਜ ਖੜ੍ਹਾ ਕਰ ਦਿੱਤਾ ਹੈ ਬਹੁਤੀਆਂ ਸਮਾਜਿਕ ਮੁਸ਼ਕਲਾਂ ਦੀ ਜੜ੍ਹ ਨਸ਼ੇ ਬਣ ਗਏ ਹਨ। ਘਰੇਲੂ ਹਿੰਸਾ, ਚੋਰੀਆਂ, ਖੋਹ-ਖੁਆਈ, ਗੈਰ-ਇਖਲਾਕੀ ਘਟਨਾਵਾਂ, ਜੁਆਨੀ ਦਾ ਘਾਣ, ਡਕੈਤੀਆਂ ਤੇ ਸਨੈਚਿੰਗ ਆਦਿ ਦੀ ਬੁਨਿਆਦ ਨਸ਼ਿਆਂ ਦੀ ਬਹੁਤਾਤ ਹੀ ਹੈ। 
ਮਹਿਲਾ ਵਰਗ ਸਸਹਮਣੇ ਕਲੱਕਤਾ ਅਤੇ ਅਨੇਕਾਂ  ਅਜਿਹੀਆਂ ਘਟਨਾਵਾਂ ਕਰਕੇ ਸਮਾਜਿਕ ਸੁਰੱਖਿਆ ਵਾਰੇ ਲੋਕ ਚਿਤੰਕ ਹਨ ਜਿਸ ਨਾਲ੍ਹ ਰੋਜ਼ਾਨਾ ਦੀਆਂ ਸਰਗਰਮੀਆਂ ਤੇ ਅਸਰ ਪੈ ਰਿਹਾ ਹੈ। ਬੁਲਾਰਿਆਂ ਨੇ ਵਿਦਿਆਰਥੀਆਂ ਨੂੰ ਨਸ਼ਿਆਂ ਦੀ ਬੁਰਾਈ ਤੋਂ ਸਾਵਧਾਨ ਕੀਤਾ। ਉਪਕਾਰ ਸੋਸਾਇਟੀ ਵਲੋਂ ਪੇਂਟਿੰਗਜ਼ ਵਿੱਚੋਂ ਪਹਿਲੀਆਂ ਚਾਰ ਪੁਜੀਸ਼ਨਾਂ ਵਾਲ੍ਹੇ ਵਿਦਿਆਰਥੀਆਂ ਨੂੰ ਸਰਟੀਫਿਕੇਟ ਤੇ ਤੋਹਫੇ ਦਿੱਤੇ ਗਏ।। ਇਸ ਤੋਂ ਬਿਨਾਂ ਗੀਤ-ਕਵਿਤਾਵਾਂ ਪੇਸ਼ ਕਰਨ ਵਾਲ੍ਹੇ ਵਿਦਿਆਰਥੀਆਂ ਨੂੰ ਸਨਮਾਨਿਤ ਕੀਤਾ ਅਤੇ ਸਮੂਹ ਪ੍ਰਤੀਯੋਗੀਆਂ ਨੂੰ ਸਰਟੀਫਿਕੇਟ ਤਕਸੀਮ ਕੀਤੇ ਗਏ। ਪ੍ਰਿੰਸੀਪਲ ਜਸਵੀਰ ਸਿੰਘ ਨੇ ਉਪਕਾਰ ਸੋਸਾਇਟੀ ਤੇ ਵਿਸ਼ੇਸ਼ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਗਿਆ।