ਊਨਾ, 11 ਨਵੰਬਰ ਆਈ.ਟੀ.ਆਈ. ਊਨਾ ਵਿਖੇ ਸੈਸ਼ਨ 2024-25 ਲਈ ਇੱਕ ਸਾਲਾ ਮੋਟਰ ਡਰਾਈਵਿੰਗ ਅਤੇ ਹੈਵੀ ਅਰਥ ਮੂਵਿੰਗ ਮਸ਼ੀਨਰੀ ਆਪਰੇਟਰ ਸਿਖਲਾਈ ਵਿੱਚ ਦਾਖਲੇ ਲਈ 30 ਨਵੰਬਰ ਤੱਕ ਬਿਨੈ ਪੱਤਰ ਮੰਗੇ ਗਏ ਹਨ। 
ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪ੍ਰਿੰਸੀਪਲ ਆਈ.ਟੀ.ਆਈ ਊਨਾ ਦੇ ਇੰਜੀਨੀਅਰ ਅੰਸ਼ੁਲ ਭਾਰਦਵਾਜ ਨੇ ਦੱਸਿਆ ਕਿ ਉਮੀਦਵਾਰ ਜਨਰਲ ਕੈਟਾਗਰੀ ਲਈ 300 ਰੁਪਏ ਅਤੇ ਰਾਖਵੀਆਂ ਸ਼੍ਰੇਣੀਆਂ ਲਈ 200 ਰੁਪਏ ਅਦਾ ਕਰਕੇ ਕਿਸੇ ਵੀ ਕੰਮ ਵਾਲੇ ਦਿਨ ਸਬੰਧਤ ਸੰਸਥਾ ਤੋਂ ਦਾਖਲੇ ਲਈ ਨਿਰਧਾਰਤ ਫਾਰਮ ਪ੍ਰਾਪਤ ਕਰ ਸਕਦੇ ਹਨ। ਸਿਖਲਾਈ ਦੀ ਸਾਲਾਨਾ ਫੀਸ 10,570 ਰੁਪਏ ਹੋਵੇਗੀ।
 ਇਸ ਲਈ ਉਮੀਦਵਾਰ ਦੀ ਉਮਰ 20 ਸਾਲ ਨਿਰਧਾਰਿਤ ਕੀਤੀ ਗਈ ਹੈ ਅਤੇ ਵਿਦਿਅਕ ਯੋਗਤਾ 10ਵੀਂ ਪਾਸ ਅਤੇ ਲਾਈਟ ਮੋਟਰ ਵਹੀਕਲ ਦਾ ਲਾਇਸੈਂਸ ਹੋਣਾ ਲਾਜ਼ਮੀ ਹੈ।