ਹੁਸ਼ਿਆਰਪੁਰ:- ਸੁਰੱਖਿਆ ਲਈ ਜਿਸ ਭਵਨ ਦਾ ਨਿਰਮਾਣ ਕਰਦੇ ਹਾਂ ਅਤੇ ਜੇ ਉਹੀ ਭਵਨ ਭਖਸ਼ਕ ਬਣ ਜਾਵੇ ਤਾਂ ਮਨੁੱਖੀ ਜੀਵਨ ਵਿੱਚ ਭੂਚਾਲ ਜਿਹਾ ਆ ਜਾਂਦਾ ਹੈ। ਭਵਨ ਨਿਰਮਾਣ ਵਿੱਚ ਜੇ ਕਿਸੇ ਵੀ ਤਰ੍ਹਾਂ ਨਾਲ ਨੈਰਿਤ ਕੋਣ ਜਿਸ ਨੂੰ ਕਿ ਦੱਖਣ ਪੱਛਮ ਦੀ ਸੰਧੀ ਕਿਹਾ ਜਾਂਦਾ ਹੈ ਵਿੱਚ ਗੰਭੀਰ ਵਾਸਤੂ ਦੋਸ਼ ਹੈ ਤਾਂ ਉਹ ਭਵਨ ਕਦੇ ਵੀ ਭਖਸ਼ਕ ਬਣ ਸਕਦਾ ਹੈ ਜਾਂ ਅਕਾਲ ਮੌਤ ਦਾ ਕਾਰਕ ਬਣ ਜਾਂਦਾ ਹੈ ਅਜਿਹਾ ਮੰਨਣਾ ਹੈ ਅੰਤਰਰਾਸ਼ਟਰੀ ਪ੍ਰਸਿੱਧੀ ਪ੍ਰਾਪਤ ਵਾਸਤੂਵਿਦ ਅਤੇ ਲੇਖਕ ਡਾ. ਭੁਪੇਂਦਰ ਵਾਸਤੂਸ਼ਾਸਤਰੀ ਦਾ। ਅਕਾਲ ਮੌਤ ਦੇ ਅਨੇਕ ਕਾਰਨ ਹੋ ਸਕਦੇ ਹਨ ਉਸ ਦਾ ਇੱਕ ਕਾਰਨ ਵਾਸਤੂ ਦੋਸ਼ ਵੀ ਹੋ ਸਕਦਾ ਹੈ।
ਇੱਥੇ ਅਕਾਲ ਮੌਤ ਨੂੰ ਸਿਰਫ਼ ਐਕਸੀਡੈਂਟ ਤੱਕ ਸੀਮਤ ਨਹੀਂ ਕੀਤਾ ਜਾ ਸਕਦਾ ਹੈ ਅਕਾਲ ਮੌਤ ਦਾ ਅਰਥ ਇਹ ਹੈ ਔਸਤ ਉਮਰ ਤੋਂ ਪਹਿਲਾਂ ਸਰੀਰ ਛੱਡ ਦੇਣਾ ਚਾਹੇ ਬਿਮਾਰੀ ਹੋਵੇ, ਖੁਦਕੁਸ਼ੀ, ਹੱਤਿਆ, ਕੁਦਰਤੀ ਆਫ਼ਤ, ਦੁਰਘਟਨਾ, ਪਾਣੀ ਵਿੱਚ ਡੁੱਬਣਾ, ਕਰੰਟ, ਗੋਲੀ ਲੱਗ ਜਾਣਾ, ਸੱਪ ਦੇ ਡੰਗ ਆਦਿ।
ਉਪਰੋਕਤ ਘਟਨਾ ਵਿੱਚ ਕਿਸੇ ਵੀ ਤਰ੍ਹਾਂ ਨਾਲ ਕੋਈ ਹਤਾਹਤ ਹੁੰਦਾ ਹੈ ਜਾਂ ਜਾਨੀ ਨੁਕਸਾਨ ਹੁੰਦਾ ਹੈ ਤਾਂ ਅਜਿਹੇ ਵਿਅਕਤੀਆਂ ਦੇ ਘਰਾਂ ਦਾ ਡੂੰਘਾ ਵਾਸਤੂ ਅਧਿਐਨ ਕਰਨ 'ਤੇ ਨੈਰਿਤ ਕੋਣ ਵਿੱਚ ਡੂੰਘਾ ਟੋਆ ਹੋਣਾ, ਨੀਵਾਂ ਹੋਣਾ, ਨਿਰਮਾਣ ਰਹਿਤ ਹੋਣਾ, ਮੁੱਖ ਦੁਆਰ ਹੋਣ ਦੇ ਨਾਲ ਈਸ਼ਾਨ ਕੋਣ ਵਿੱਚ ਭਾਰੀ ਨਿਰਮਾਣ, ਬੰਦ ਹੋਣਾ, ਉੱਚਾ ਨਿਰਮਾਣ, ਪਖਾਨਾ ਆਦਿ।
ਇਨ੍ਹਾਂ ਦੋ ਮੁੱਖ ਦੋਸ਼ਾਂ ਦੇ ਨਾਲ ਕੋਈ ਵੀ ਹੋਰ ਦੋਸ਼ ਜੁੜ ਜਾਂਦਾ ਹੈ ਤਾਂ ਗੰਭੀਰਤਾ ਵਧ ਜਾਂਦੀ ਹੈ। ਪੂਰਬ ਦਿਸ਼ਾ ਦਾ ਬੰਦ ਹੋਣਾ, ਉੱਚਾ ਹੋਣਾ, ਪਖਾਨੇ ਦਾ ਹੋਣਾ ਗੰਭੀਰ ਸਮੱਸਿਆ ਦਾ ਕਾਰਨ ਬਣ ਸਕਦਾ ਹੈ। ਵਾਯਵਯ ਦੇ ਦੋਸ਼ ਇਸ ਤਰ੍ਹਾਂ ਦੀਆਂ ਘਟਨਾਵਾਂ ਵਿੱਚ ਆਪਣਾ ਪ੍ਰਭਾਵ ਪਾ ਸਕਦੇ ਹਨ। ਅਜਿਹੇ ਵਿੱਚ ਜੇ ਆਗਨੇਯ ਵੀ ਦੂਸ਼ਿਤ ਹੋ ਗਿਆ ਤਾਂ ਅਚਾਨਕ ਹੋਣ ਵਾਲੀਆਂ ਘਟਨਾਵਾਂ ਵਿੱਚ ਵਾਧਾ ਹੋ ਸਕਦਾ ਹੈ।