ਚੰਡੀਗੜ੍ਹ, 22 ਦਸੰਬਰ, 2024- ਡਾ: ਹਰਵੰਸ਼ ਸਿੰਘ ਜੱਜ ਇੰਸਟੀਚਿਊਟ ਆਫ਼ ਡੈਂਟਲ ਸਾਇੰਸਜ਼ ਐਂਡ ਹਸਪਤਾਲ, ਪੰਜਾਬ ਯੂਨੀਵਰਸਿਟੀ, ਚੰਡੀਗੜ੍ਹ ਵੱਲੋਂ ਬੀ.ਡੀ.ਐੱਸ. ਦੇ ਵਿਦਿਆਰਥੀਆਂ ਲਈ 23 ਦਸੰਬਰ, 2024 ਨੂੰ ਸਵੇਰੇ 11.30 ਵਜੇ ਲਾਅ ਆਡੀਟੋਰੀਅਮ ਵਿਖੇ ਆਪਣਾ ਪਹਿਲਾ ਕਨਵੋਕੇਸ਼ਨ ਸਮਾਗਮ ਕਰਵਾਇਆ ਜਾ ਰਿਹਾ ਹੈ।
ਲਗਭਗ 150 ਵਿਦਿਆਰਥੀ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ, ਡੈਂਟਲ ਇੰਸਟੀਚਿਊਟ ਦੇ ਫੈਕਲਟੀ ਅਤੇ ਸਟਾਫ ਇਸ ਸਮਾਗਮ ਵਿੱਚ ਹਿੱਸਾ ਲੈਣਗੇ। ਸਮਾਗਮ ਦੇ ਮੁੱਖ ਮਹਿਮਾਨ ਮਾਨਯੋਗ ਵਾਈਸ-ਚਾਂਸਲਰ ਪ੍ਰੋ: ਰੇਣੂ ਵਿਗ ਹਨ ਅਤੇ ਵਿਸ਼ੇਸ਼ ਮਹਿਮਾਨ ਸੰਸਥਾਪਕ ਡਾਇਰੈਕਟਰ ਪ੍ਰਿੰਸੀਪਲ ਡਾ.ਕ੍ਰਿਸ਼ਨ ਗਾਬਾ ਹਨ।
 ਯੂਨੀਵਰਸਿਟੀ ਦੇ ਡੀਨ ਇੰਸਟ੍ਰਕਸ਼ਨ ਪ੍ਰੋਫੈਸਰ ਰੁਮੀਨਾ ਸੇਠੀ, ਪੀਯੂ ਦੇ ਰਜਿਸਟਰਾਰ ਪ੍ਰੋਫੈਸਰ ਵਾਈਪੀ ਵਰਮਾ ਅਤੇ ਪੀਯੂ ਕੰਟਰੋਲਰ ਆਫ ਐਗਜ਼ਾਮੀਨੇਸ਼ਨਜ਼ ਪ੍ਰੋਫੈਸਰ ਜਗਤ ਭੂਸ਼ਣ ਸਮੇਤ ਹੋਰ ਪਤਵੰਤੇ ਵੀ ਇਸ ਸਮਾਗਮ ਵਿੱਚ ਹਾਜ਼ਰ ਹੋਣਗੇ।